ஆன்மாவோடு பேசுவது...

சோமாலியா மேற்கு ஆபிரிக்காவில் உள்ள உலகத்தில் உயிர் வாழ உத்தரவாதம் இல்லாத உள் நாட்டு யுத்தம் யாரை எந்த நேரம் எங்கே வைத்து போட்டுத் தள்ளுவது என்ற சந்தேகம் இல்லாமல் பல வருடமா அரசியல் இஸ்திரம் இல்லாமல் அல்லாடும் ஒரு வறிய நாடு.அந்த நாட்டு மக்கள் நிறையப்பேர் ஒஸ்லோவில் அரசியல் அகதிகளாக வந்தேறி வசிக்கிறார்கள்.

                                             அவர்களில் சிலர் என்னோட நண்பர்களாக இருக்கிறார்கள். அவர்கள் நாடு ஐரோப்பிய காலனித்துவ ஆக்கிரமிப்பாளர்களான போத்துக்கீசர் இடம் இருந்து சுதந்திரம் பெற்ற நாளை சில நாட்கள் முன் ஒஸ்லோவில் உள்ள ஒரு பார்க்கில் பாரம்பரிய உடைகள் அணிந்து நடனம் ஆடி கொண்டாடினார்கள். உண்மையில் சோமாலியாவுக்கு உள்ளேயே இன்னொரு சின்ன சுதந்திர நாடு இருக்கு எண்டும் அதுக்கு பெயர் சோமாலி லேன்ட் என்று அந்த நண்பர்கள் சொல்லி இருக்கிறார்கள்.

                                             மிகவும் வறிய நாடான சோமாலியா உள்நாட்டு யுத்தத்தால் ஆயுதம் தாங்கிய குழுக்களின் கைககளில் சிக்கிச் சின்னாபின்னமாகி சிதறு தேங்காய் போல சிதறிக்கிடக்குது என்று சோமாலி நண்பர்கள் சொல்லுவார்கள். உண்மையில் சோமாலியாவுக்கு உள்ளேயே இன்னொரு சின்ன சுதந்திர நாடு இருக்கு எண்டும் அதுக்கு பெயர் சோமாலி லேன்ட் என்று அந்த நண்பர்கள் சொல்லி இருக்கிறார்கள்.

                                                 பெரும்பாலான சோமாலி ஆண்கள் திடகாத்திரமான உடல்க் கட்டமைப்பு இருந்தாலும் ,கஷ்டப்பட்டு வேலை செய்வதைக் கஷ்டமாக நினைப்பவர்கள்.அதனால் அவர்கள் உழைப்பு பற்றி இங்கே நோர்வே மக்களிடம் நல்ல அபிப்பிராயம் இல்லை.சமூக உதவிகளில்,நிரம்பி வழிந்து அவர்கள் தான் அதிகம் அழுது வடிந்து கொண்டு இருப்பார்கள்.அவர்கள் நாட்டிலும் அவர்கள் வேலை செய்வதை ஒரு சுமையாக நினைப்பது என்பது போல சோமாலி நன்பர்கள் பெருமையாக சொல்லுவார்கள் .

                                    " ஊருக்குன்னா இரும்ப கூட இடிப்பேன், வீட்டுக்குன்னா தவுடு கூட இடிக்கமாட்டேன் " என்பது போல அவர்கள் வீட்டிலும் வேலை செய்வதில்லை.பெண்கள் தான் வீட்டின் கண்கள். என்னோட முன்னர் ஒரு சோமாலி வேலை செய்தார். நாலு மாதம் தான் வேலை செய்தார்,அதுக்குப் பிறகு நாலு மாதம் ரெஸ்ட் எடுப்பார். பிறகு வேற இடத்தில நாலு மாதம் வேலை செய்ததா சொன்னார். " கெவிலி சொல்ற பல்லி கழநி பானையில விழுந்துச்சாம் " என்றது போல விளக்கம் வேற சொன்னார்.

                                 " எப்படிப்பா இப்படி தேசிங்கு ராஜா போல வந்தா வரவுல வச்சிக்க, இல்லன்னா செலவுல வச்சிக்க என்று வாழ முடிகிறது உங்களால் " என்று கேட்டேன் ஒரு நாள், அதுக்கு அவர்

                                                          " நான் பரவாயில்லை, என்னோட அப்பா ஒரு இடத்தில ஒரு மாதம் தான் வேலை செய்வார்,அதுக்கு பிறக்கு அந்த வருடம் முழுவதும் வீட்டில இருப்பார்,எங்கள் தலைமுறை கொஞ்சம் டெவலப் ஆகிக்கொண்டு இருக்கு, கஷ்டப்பட்டு பல்லைக் கடிச்சுக்கொண்டு நானே தொடர்ச்சியாக நாலு மாதம் ஒரே இடத்தில வேலைசெய்யப் பழகிவிட்டேன்,அது எங்கள் சமூகத்துக்கு நல்ல அறிகுறி " என்று சிரித்துக்கொண்டு சிம்பிளா சொல்லுவார்.

                                                    அம்மன்கோவில் அன்னதானத்தில் அவல் கடலை சுண்டலுக்கு அள்ளுப்படும் கோஸ்டிகள் போல நெரிசலில் அலைக்கழிந்து கொண்டு கும்பலாக எப்போதும் பேசிக்கொண்டு இருக்கும் சோமாலி மக்கள் நட்பானவர்கள். அவர்கள் ஒரு தனித்துவ மொழி பேசுகிறார்கள்.ஆனால் அந்த மொழிக்கு தனித்துவ எழுத்துக்கள் இல்லை. ஆங்கில எழுத்துக்களைப் பாவித்தே அவர்கள் மொழியை எழுதுகிறார்கள். அதை வாசிக்க தமிழை ஆங்கிலத்தில் எழுதி பேஸ்புக்கில் சிலர் போடும் கொமென்ட் போல இருக்கும்.

                                                         சோமாலி ஆண்கள் பாரம்பரியமாக ,கிராமப்புற முதியான்சலாகே சிங்களவர் கட்டும் வெள்ளை நிற சரம் ,சிங்களவர் போலவே கட்டி அதுக்கு மேலே தவில் மேளம் வாசிப்பவர்கள் அணிவது போல ஒரு பெல்ட் கட்டுறார்கள்.பெண்கள் நீண்ட வெள்ளை அங்கிகளின் நிறையக் கலர் கலரான குஞ்சங்கள் தொங்கும் பிரில் வைச்ச ஆடையை அணிகிறார்கள். பெண்கள் தலையை மூடிக்கொண்டு கறுப்பாக இருந்தாலும் அவர்களின் கண்கள் ஆயிரத்து ஒரு இரவுகள் கதை சொல்லும் கறுப்பு வைரங்கள்.

                                             சோமாலி ஆண்களும் பெண்களும் எதிர் எதிரே ஒருவரை ஒருவர் முன்னேறி பதுங்கித் தாக்குவது போல பாய்ந்தும் கால்களை உதைத்து எம்பிக் குதித்தும் ஆடுவதைப் பார்க்க அவர்கள் இயற்கையாகவே பூமியுடன் பாதம் வழியாக ஆதர்சமான சக்தியை சேர்த்துக்கொண்டு ஆடுவது போலவும்,,கொஞ்சம் கவனித்துப் பார்த்தால் எதிரே ஆடும் பெண்களை கடத்துவதுக்கு பிளான் போடுற மாதிரியும் இருந்தது,சோமாலி ஆண்கள் பெண்களுக்கு வசியம் வைப்பதில் கில்லாடிகள் என்று அவர்களின் செயல்களில் பலமுறை கவனித்து இருக்கிறேன்.

                                                          பல நிறங்களில் கண்ணைக்கவரும் அவர்களின் உடைகள் ஒரு அலாதியான போட்டோகிரபிக்கு அணி அலங்காரம் கொடுக்கும். தங்கள் தாய் நாட்டில் ஒரு காலத்தில் காடுகளில் வேட்டை ஆடி வாழ்ந்ததை நினைவு கொள்ள ஆண்கள் எல்லாரும் ஒரு நீண்ட மரக் கம்பு வைத்து இருந்தார்கள்.மிக நவீனமான நோர்வேயில் அதைப் பார்க்க அபத்தமாக இருந்தாலும் அழகாக அவர்களின் மூதாதையர்களின் ஆன்மாவோடு அது பேசுவது போல இருந்தது .
..

17.08.15

Neela Vaana Odaiyil...Guitar Cover

நட்போடு ஞாயிறு இசை விருந்து.... என்னோட ஸ்டைலில் நீலவான ஓடையில் நீந்துகின்ற வெண்ணிலா....." வாழ்வே மாயம் " என்ற தெலுங்கில் இருந்து ரீ மேக் செய்யப்பட்ட படத்தில் வரும் பாடல். ஒரிஜினல் தெலுங்கில் இந்தப் பாடலை தெலுங்கு மொழி இசைஅமைப்பாளர் சக்கரவர்த்தியும் அவரோட இசை அமைப்பில் கிட்டார் வாசித்த ஜோர்ச் என்பவரும் சேர்ந்து இசை அமைத்து இருந்தார்கள். அதை டாக்டர் கே ஜே ஜேசுதாஸ் பாடி இருந்தார். .தமிழில் அந்தப் படத்தை கொப்பி உரிமை வேண்டி " வாழ்வே மாயம் " என்று எடுத்த போது அதை எஸ் பி பாலசுப்பிரமணியம் மிக அழகாகப் பாடினார் . படத்துக்கு கங்கை அமரன் இசை அமைத்தது என்று போட்டார்கள். எப்படியோ அருமையான வரிகளை வாலி இந்தப் பாடலுக்கு எழுதியுள்ளார்.இந்தப் பாடல் ரொமாண்டிக் உணவுகளைக் உருவாக்கும் ஆபேரி இராகத்தின் சாயலில் அதிகம் இருக்கு ...

புண்ணியக்குஞ்சி !

உலகம் முழுவதும் சில மனிதர்கள் அவர்களின் விசித்திரம் நிறைந்த விந்தையான உலகின் போக்கால் எப்போதும் மனம் முழுவதும் நிறைந்து விடுவார்கள். அவர்கள் ஏன் அப்படி எல்லாரும் போகிற போக்கில் எடுபட்டுப் போகாமல் தனித்துவமாக வாழ்ந்தார்கள் என்பதுக்கு என்னிடம் விளக்கம் இல்லை. வாழைப்பழத்தை உரிச்சு வாயில வைச்ச மாதிரி  சிம்பிளா சொல்லுறேன் புண்ணியக்குஞ்சி சிக்கலான ஒரு விசயத்தை இடியப்பச்சிக்கல் ஆக்கும் ஒரு மனிதர்                                                       

                                                     எங்கட ஊரில இது நடந்தது ,இதுக்குப்பிறகு அது நடந்தது என்று எழுதிக்கொண்டியிருக்கும் எல்லா சம்பவங்களிலும் வரும் முக்கியமான ஆள் திருவிளையாடல் தருமி போன்ற புண்ணியக்குஞ்சி . அவர் வேண்டுமென்று நல்ல நிகழ்விலோ துன்ப நிகழ்விலோ வெத்திலை பாக்கு வைச்சு வாசப் பன்ணீர்  தெளிச்சோ வாறதில்லை. ஆனால் வருவார். ஏன் வருவார் என்று யாரும் எதிர்வு கூறமுடியாத ஒரு மனிதர் அவர். அவரை விட்டு ஊரில ஒரு கதையே இல்லை .

                                                         புண்ணியக்குஞ்சி என்ற பெயர் எப்படி புண்ணிய மூர்த்தி சித்தப்பாவுக்கு கல்வெட்டில எழுதின மாதிரிப் பெயரோட வரலாற்றில் வந்தது எண்டு எங்கள் ஊரில எல்லாருக்கும் தெரியும் ,காரணம் அவர், ஒரு உதவும் மனிதரா ஊருக்குள்ள எல்லாருக்கும் வேண்டிய , எல்லாராலும் நேசிக்கபடும் ஒருவராக இருந்தார்,அவரோட உதவிகளின் முடிவில் சுவாரசியமான ஒரு உபத்திரவம் இருக்கும் .

                                           புண்ணியக்குஞ்சி தேவை இல்லாத ஊரில் உள்ள அடுத்தவன் தலையில உள்ள வேலையையும் தன் தலையில தூக்கிப் போட்டு முறிஞ்சு முறிஞ்சு செய்வார் . உண்மையில் புண்ணியக்குஞ்சியம்மா எண்டு எல்லோராலும் அழைக்கப்படும் அவரின் மனைவியத் தவிர மற்ற எல்லாருக்கும் உதவும், வேண்டிய ,எல்லாராலும் நேசிக்கபடும், ஒருவராக இருந்தார் எண்டுதான் சொல்ல வேண்டும், இப்படி உண்மையைச் சொல்லாட்டி வீராளி அம்மாளாச்சி சிங்க வாகனத்தில வந்து, என்னைக் கனவில திரத்துவா!.

                                                சின்ன வயசில எங்களின் வீட்டுக்கு அருகில்தான் புண்ணியக்குஞ்சி இருந்தார். அவர் எங்களுக்கு சித்தப்பா முறை, நாங்க ஒரு நாளும் அவரை சித்தப்பு எண்டு சொன்னதே இல்லை, குஞ்சியப்பு எண்டு சொல்லுவம், அம்மா மரியாதையா குஞ்சி ஐயா எண்டுவா, வேறு சில எங்களின் ரத்த உறவினர் குஞ்சி எண்டுவார்கள், எப்படியோ புண்ணியக்குஞ்சி என்ற பெயர் புண்ணியமூர்த்தி சித்தப்பாவுக்கு , புண்ணியம் செய்யப் பஞ்சி பிடிச்ச ஊருக்குள்ள எல்லாருக்கும் புண்ணியம் போல பல சேவைகள் இழுத்துப்போட்டு செய்வதால் நன்றாகவே பொருந்தி இருந்தது!

                                 ஆனாலும் புண்ணியக்குஞ்சியின் உண்மையான பெயர் பலருக்கு கனகாலமா தெரியாமா இருந்தது. அவர் பிறக்கும் போதே புண்ணியக்குஞ்சி என்று கர்ணனும் ,கவச குண்டலமும் சேர்ந்தே பிறந்த மாதிரிதான் அவர் பெயர்,  அவர் போலவே பிறந்து வளர்ந்து பேமஸ் ஆகா இருந்தது. மிகவும் ஆரோக்கியமான பர்மா தேக்குமரம் போல தேகக்கட்டு உள்ள புண்ணியக்குஞ்சி இள வயதில் பால்ரா கடையை சுழட்டி சுழட்டி ,பாசிப்பயறு ஊறவைச்சு நாட்டு சக்கரையோடு சேர்த்து வெறும் வயதில சாப்பிட்டு " பொடி பில்டிங் " என்ற பயிற்சி எடுத்து மாவட்ட மட்டத்தில் ஆண் அழகன் போட்டியில் முதலாவதா வந்தவர், அவரோட திருமண போட்டோவில் பிஸ் எஸ் வீரப்பா போல நெஞ்சை நிமிர்த்திக்கொண்டு நிற்கும் படம் அவர்கள் வீட்டு ஹோலில தொங்கிக்கொண்டு இருந்தது.  

                                      வாய்த்திறமையால் சந்தர்ப்பங்களை தனக்கு சாதகமாக்கிய  புண்ணியக்குஞ்சி என்ன வேலை செய்தார் எண்டு சரியா சொல்லமுடியாது , கொழும்பில வெட்டுறன் , காலியில கொத்துரன், கண்டியில பிரட்டிறன் ,களுத்துறையில் உருட்டுறன், எண்டு எப்பவும் விலாசம் எழுப்புவார் ஆனால் அவர் என்ன வேலை செய்யுறார் ,எப்படி சம்பாதிகுறார் எண்டு யாருக்கும் தெரியாது !புண்ணியக்குஞ்சியம்மாவுக்கே சரியா தெரியாது ,மரியாதையாக அவர் சிங்கள நாட்டில பிசினஸ் செய்தார் எண்டு சொல்லுவார்கள். 

                                   அதுக்கு முக்கிய காரணம் புண்ணியக்குஞ்சி , சிங்களம் சிங்களவர் போல , தலை காரணமா உத்தரட்டா முதியன்சலாகே வளவுகார உயர் சிங்களம் பேசுவார் , புண்ணியக்குஞ்சி சிங்களம் பேசுறது எண்ட ஒரே காரணத்தால , ஊருக்குள்ள எல்லார் கண்ணிலையும் விரலை விட்டு ஆட்டுற பெட்டிசம் பாலசிங்கமே அவரைப் பற்றி மட்டும் ஒண்டும் வாயைத் திறக்க மாட்டார் , அதைவிட புண்ணியக்குஞ்சி தனக்கு அந்த தச நாயக்கா மினிஸ்டரை தெரியும் , இந்த திசா நாயக்கா மினிஸ்டரை தெரியும் எண்டு சொல்லுறதும் பெட்டிசம் பாலசிங்கம் கேள்விப்பட்டு இருக்கலாம்.

                                           ஆனால்  " புண்ணியம்   லேசுப்பட ஆள் இல்லை, சரியான வலம்புரி சங்கு சமுத்திரத்தில தேடி எடுக்கும் சுழியோடி  , இவன் கட்டாயம் சிங்கள நாட்டில ஒரு சுமனாவதியையோ , அல்லது ஒரு  குசுமாவதியையோ சின்ன வீடு வைக்காமால் இருக்க மாட்டான் , இவன் ஒவ்வொரு சிங்கள அழுத் அவருதுக்கும் சொல்லாமல் நழுவிப் போறதைப் பார்த்தா , இந்த ரெட்டைச் சுழியனோட  கதை  வசனம்  அதுபோலதான் போகுது போல , பெண்டுகள் வாசம்  அவனோட முகத்திலேயே அது எழுதிக்கிடக்கே  "

                                  என்று பெட்டிசம் பாலசிங்கம் புண்ணியக்குஞ்சி தலைக்கறுப்பு ஊருக்குள்ள இல்லாத நேரம் சுப்பிரமணியம் கடையில் நிண்டுகொண்டு சொல்லுவார். அது உண்மையா பொய்யா என்று யாருக்கும் தெரியாது ஆனால் பெட்டிசம் பாலசிங்கம் புகை கிளப்பினா அதில ஒரு சின்ன தணல் துண்டளவாவது  உண்மை எப்பவும் இருக்கும்,  ஒரே ஒரு முறை எங்களின் வீட்டுக்கு முன்னால புண்ணியக்குஞ்சி நிண்ட நேரம் அங்கே வந்த  பெட்டிசம் பாலசிங்கம்  

                     "ஹ்ம்ம், கதையோட கதையா வாயால வெட்டிக் கிழிக்க வெளிக்கிட்டு இருக்கினம்,  எந்தப் புத்தில் எந்தப் பாம்பிருக்கும் என்றே தெரியவில்லை " என்று குசு குசுக்கிற மாதிரி சொன்னார் , உடன புண்ணியக்குஞ்சி 

                        "  அப்ப நீ போய் ஏன், புத்து புத்தாகக் கையைவிட்டுப் பார்க்க வேண்டியது தானே ", என்று கேட்டார், பெட்டிசம்   சத்தம் இல்லாமல் நளுவிவிட்டார். 

                                   புண்ணியக்குஞ்சி எல்லாத்தயும் இழுத்து போட்டு செய்வது தெரிந்து, ஊருக்குள்ள ஆட்கள்,காலையிலேயே அவர் வீட்டுப் படலைக்க வந்து நிக்கும்கள். புண்ணியக்குஞ்சியம்மா அப்படி ஆட்கள் வந்தா சண்டைய வீட்டுக்க தொடக்கி, அது படலை வரை கேட்கிற மாதிரி சத்தம் போடுவா, அன்று முழுவதும் முறையாக பூஜை, புனஸ்காரம், அர்ச்சனை, அபிஷேகம், மங்கள வாழ்த்துப்பா எல்லாம் குறைவில்லாமல் வீடே அதிர நடக்கும்

                      " வந்திட்டினமே மட்டி மடையன் பரமார்த்த குருவோடு அலையுற மாதிரி மந்திரம் கேட்க  உங்களிடிட்ட , நீங்க என்னப்பா சமூக சேவைத் திணைக்களமா நடத்துரீங்க, 

                           "  நீ  வாயைப் பொத்து,,என்னக்கு தெரியும் என் வேலை "

                          " இதுக்குத்தான்  உங்களை  கலியாணம் கட்டினன் ,என்று நினைக்குறிங்களோ "

                              " நீ பொத்து  வாயை,,கனக்க கதைக்காதை "

                             "   நான்  கதைக்காம வேற  யார்  கதைக்கிறது,,சொல்லுங்கோ "

                               " என்ன சொல்ல ,,நீ வாயத் திறக்காதே "

                                "   இதுக்கு  நான் பேசாமல் ஒரு அம்மிக்கல்லையோ,,ஆட்டுக்கல்லையோ கலியாணம் கட்டி இருக்கலாமே "

                               " நெடுக நெடுக சொல்லொறேன்  வாய்ப்  பொத்து "

                               " என்னப்பா நீங்க ,கரட்டி ஓணான் வெருட்டின மாதிரி,இன்னும் எவ்வளவு காலத்து இப்படியே வாயைப் பொத்திக்கொண்டு சீவியத்தை  ஓட்டுறது "

                                      " எனக்கு  இப்ப கொதி வரப்பண்ணாத்தை ,,பிறகு தெரியுமெல்லோ ,,என்ன நடக்குமென்று "

                                         " செய்யிற கோதாரி விழுந்த கோணங்கி மாணங்கியைச்  சொன்னால் மட்டும் கோபம்  மூக்கில முட்டுது "

                                      " எடியே,,என்னை  மதிச்சு நாலுபேர் அட்வைஸ் கேட்க வாறாங்கள்   அதை  நினைச்சியே "

                                     "  அவங்களுக்கு அறளைபேய்ந்த விசர் "

                                      " யாருக்கடி  விசர்,,இப்ப  உனக்கு  உதை  விழப்போகுது ,,உரலோடு சேர்த்து வைச்சு உனக்கு இப்ப உலக்கை இடி விழப்போகுது ,பொத்தடி வாயை "

                                " சம்பளம் இல்லாத உத்தியோகம் பார்த்து என்ன சீவியமடா இந்த மனுசனோட, குருவி தலையில பனங்காய் போல

                                 "  நீ  சொல்லுறதை  சொல்லு,,நான்  செய்யிறதை செய்வேன்  "

                                       "காலங்காத்தாலையே கச்சேரி ஆரம்பிக்க பத்துப் பேர் வந்து படலைக்க  நிக்குறாங்கள் , "

                                        "  நிக்கட்டுமே  உனக்கு  என்ன இப்ப 

                                " சீ எண்டு போகுது வாழ்க்கை இந்த மனுசனோட   "

                           எண்டு சாமியாடிக்  கத்துவா ,புண்ணியக்குஞ்சியும் சின்னமேளம் ஆடுறவள் கூத்துக்   கும்மாளம் ஆக விசில் அடிச்ச மாதிரி விட்டுக்கொடுக்காமல் 

                  " இவள் காலங்காத்தாலையே ஆரம்பிச்சிட்டாள், உன்னட்ட தலையைக் கொடுத்து தர்ம அடி வேண்ட வேண்டும் எண்டு எனக்கு எழுதி வைச்சுக் கிடக்கே இதுக்குத்தான் நான் வீடு வாசலில் நிக்கிறதில்லை.."

                                  " ஒரு நாள் முழுவதும் வீட்டில நிண்டு என்றைக்காவது எனக்கு ஒரு கை  உதவி  செய்த மாதிரி சொல்லுங்கோ பார்ப்பம், "

                                     " ஓ..அதுவோ  இப்ப சில்லெடுத்த பிரச்சினை,,பொறு  வாறன்  உனக்கு பேதிக்குளிசை  தாறன்,கொஞ்சம்  இரணை,,எண்ட  ராசாத்தி  "

                                           " அதை இதை அங்கால இங்கால அரக்கி வைக்க அடுத்தவங்களைக் கெஞ்சு வேண்டிக்கிடக்கு, வீட்டில பொடி பில்டிங் செய்து கிழிச்ச பயில்வான் போல மனுசனை வைச்சுக்கொண்டு "

                         என்று கோபமாக சொல்லுவா .புண்ணியக்குஞ்சி ஒண்டும் சொல்லமாட்டார் கொடுப்புக்குள்ள சிரிப்பார், சிரிசுப் போட்டு,

                " பவுளக் நத்தம் அவுளக் நா "

                      எண்டு வாயிட்குள்ள சிங்களத்தில் புறு புறுதுக்கொண்டு, ( " பவுளக் நத்தம் அவுளக் நா " என்ட சிங்களத்தின தமிழ் அர்த்தம் " பொஞ்சாதி இல்லை என்றால் கரைச்சல் இல்லை) படலையில் வந்து, வந்த விசியத்தை சொல்லுங்கோ எண்டு வாயால கேட்க மாட்டார், கொடுப்புக்குள்ள சிரிப்பார், 

                        வந்த சனத்துக்கு புண்ணியக்குஞ்சி சிக்னல் விளங்கும், பிரசினை வெளிய வரும், ஆனால் புண்ணியக்குஞ்சி வந்தவர்கள் சொல்வதை முழுவதும் கேட்கமாட்டார், இடையில கதை போகும் போதே, கொடுப்புக்குள்ள சிரிக்க தொடங்கி நிப்பாட்டு எண்டு போட்டு,

                                     " இதுக்கு என்னட்ட ஒரு பிளான் இருக்கு "

                               எண்டுவார், எப்படி புண்ணியக்குஞ்சி முழு பிரச்சினை கேட்காமல் பிளான் இருக்கு எண்டு சொல்லுறார் எண்டு இண்டுவரை ஒருவருக்கும் தெரியாது. ஆனால் புண்ணியக்குஞ்சி கொடுப்புக்குள்ள சிரிச்சு பிளான் போட்டா, ஆடிக் மாதக் காத்தில அம்மி, ஆட்டுக்கல்லு வேணும் எண்டா அசையும்,ஆனால் புண்ணியக்குஞ்சி போட்ட பிளான் ஒரு நாளும் அசையாது......

                        புண்ணியக்குஞ்சி எங்கட வீட்டுக்கு வருவார்,வந்து ஒருதரோடும் முதலில் கதைக்கமாட்டார், கொடுப்புக்குள்ள சிரிச்சுக்கொண்டே வீட்டை சுற்றிப்பார்க்க தொடங்க எங்களுக்கு வேலை காட்டப் போறார் எண்டு விளங்கிடும், பின்னுக்கு போய் ஆட்டுக் கொட்டிலில் நிண்டு

                       " எடுங்கடா மண் வெட்டிய "

                          எண்டுவார், நாங்க எடுத்துக்கொண்டு பின்னால போவோம், கிணத்தடியைச் சுற்றி நின்ற வாழை மரங்களை சுற்றி அதல் வெட்ட சொல்லுவார்,

                     " என்னதுக்கு புண்ணியக்குஞ்சி இப்ப இந்தக் கிடங்கு " எண்டு கேட்டா,

                    " ஆட்டுப் புழுக்கை குவிஞ்சு கிடக்கு அள்ளி கொண்டுவந்து போடப்போறன் "எண்டு, கடகத்தில அள்ளிக்கொண்டு வந்து போடுவார் புண்ணியக்குஞ்சி ,

                     " இந்த மாரியோட வாழை, குலை போட்டு அமோகமா தள்ளும் பாருங்கடா "

                        எண்டுவார் புண்ணியக்குஞ்சி, சொல்லி வைச்ச மாதிரி வாழை குலை போட்டுத் தள்ளும் .

                          போட்டுமுடிய, துலாக் கிணறை எட்டிப் பார்த்து,

                      " பாசி அள்ளு கொள்ளையா பிடிசிக்கிடக்கு கிணறை இன்றைக்கு இறைக்க வேண்டும் " எண்டுவார்,

                  நாங்க வாளியால மூச்சு வாங்க மாறி மாறி துலாவால அள்ளி இறைக்க தொடங்க, தேடாவளயக் கயிற்றைக் கொய்யா மரத்தில, கட்டிப் போட்டு,சாரத்தை மடிச்சு ஐயர்மார் போல கொடுக்குக் கட்டிக்கொண்டு,விறுக்கு விறுக்கு எண்டு ஓனான் போல கிணத்துக்க இறங்குவார், இறங்கி பாசி அவளத்தையும் சுரண்டி விழுத்தி, தண்ணியை பச்சை நிறமாகக் கலக்கி, சேறு எல்லாத்தையும் கலக்கி அள்ளி வாளியில் நிரப்பி , கிணத்துக்க நிண்டுகொண்டு,

                    " எங்கே நின்மதி எங்கே நின்மதி, அங்கே எனக்கொரு இடம் வேண்டும்..." எண்டு பாடுவார்,

                   அந்தப் பாட்டு நின்மதி இழந்து கிணறு முழுவதும் அதிர்ந்து, வளைஞ்சு வளைஞ்சு வெளியவரும், புண்ணியக்குஞ்சி மறுபடியும் கயிற்றில ஏறிவந்து, கிணத்துக்கட்டு விளிம்பில தொங்கிக்கொண்டு நிண்டு ,

                        " கலியாணம் காட்டுறதும் ,இப்ப கையை விடுறதும் ஒண்டுதான் " எண்டுவார்,

                 எங்களுக்கு பயம் வரும் புண்ணியக்குஞ்சி கையை விடப் போறாரோ எண்டு, வாழ்கை தத்துவத்தை கிணதுக்கட்டு விளிம்பில நிண்டு சொன்ன ஒரு ஒரே மனிதர் புண்ணியக்குஞ்சி..

                         நாங்கள் வசிக்கும் பூமி  உருண்டை,அதே நேரம் அது தன்னைத்தானே சுற்றி உருளுது, அப்படி உருளுரதை  தன்னோட ஒவ்வொரு செயலிலும் செய்துகொண்டு இருந்த ஒருவர் புண்ணியக்குஞ்சி. இப்படி மனிதர்களை ஆங்கிலதில் " ஹைப்பர் அக்டிவ் பெர்சனாலிட்டி " என்று சொல்லுவார்கள் என்று எங்கள் ஊரில இருந்த உள்ளூர் தத்துவமேதை சிங்கி மாஸ்டர் எப்பவும்  கனகலிங்கம் சுருடுப் பத்திக்கொண்டு சொல்லுவார் 

     

                        ஒரு நாள் , கார்த்திகை விளக்கீட்டு நாள் எண்டு நினைக்கிறன், புண்ணியக் குஞ்சியம்மா

               " குளிக்க நாலுவாளி தண்ணி அள்ளி தாங்கோ எண்டு சொல்ல " , சண்டை தொடங்கி இருக்கு,

               " பொடி பில்டிங்   செய்து மாவட்ட மட்டத்தில் ஆண் அழகன் போட்டியில் முதலாவதா வந்து ஊருக்கு பவர் காட்டின இந்த மனுஷன்  நாலுவாளி தண்ணி அள்ளித்தர அலுப்புப் பிடிச்ச மனுஷனாகி ,  வீடில பிரேதம்  விழுந்தாலும் அக்கறை இல்லாத மாதிரி இப்ப ஊருக்கு இந்த முறி முறிஞ்சு உதவி செய்யுதே "

                               எண்டு அவாவே போய் ,கிணத்தடியில வழுக்கி விழுந்து கிடக்க ,திருக் கார்த்திகை விளக்கு வைக்க கிணத்தடிக்கு போன மூத்த மகள் கண்டு குளறி அடிச்சுக்கொண்டு எங்களின் வீட்டுக்கு வர, நாங்கள் ஓடிப்போய் இருட்டில தடக்கி விழுந்து முழங்கை முறிஞ்சு கிடந்த அவாவை தூக்கிக்கொண்டு வந்து கட்டிலில் கிடதிப் போட்டு, டக்சி பிடிக்க அமளிப்பட்டு புண்ணியக்குஞ்சியைத் தேட, அவர் சிலமன் அயல் அட்டையில் இல்லை.

                                   புண்ணியக்குஞ்சி அதிகம் அவர் வீட்டில நிற்க மாட்டார் , குட்டி போட்ட பூனை போல ஓடிக்கொண்டு மற்ற எல்லார் வீடுகளிலும் நிற்பார்,வீராளி அம்மன் கோவிலில் நிற்பார் எண்டு தேட அங்கே ஆலமரத்தில சாஞ்சு கொண்டு காந்தி ஐயருக்கு பிளான் போட்டு சொல்லிக்கொண்டு இருந்தார், குஞ்சியம்மா கை முறிஞ்சதை சொல்ல, ஒரு உணர்ச்சியும் இல்லாமல்

                       " பவுளக் நத்தம் அவுளக் நா " எண்டு சொல்லிப்போட்டு,

                      " இப்ப இதை என்னத்துக்கு இங்க அவசரமா ஓடி வந்து, மலடி பிள்ளப் பெத்த மாதிரி அதிசயமா சொல்லத்தான் வேண்டுமா " எண்டு கேட்டார்,,

                  .....புண்ணியக்குஞ்சியின் மிச்ச அட்டகாசம் , புண்ணியக்குஞ்சி எப்பவும் சிங்களத்தில் சொல்லும் " பவுளக் நத்தம் அவுளக் நா " என்ற சிங்கள வார்த்தையின் அர்த்தம் எப்படி கடைசியில் புண்ணியக்குஞ்சி கொல்லப்படக் காரணமா இருந்ததை  இரண்டாம் பதிவில் எழுதுகிறேன் ....

.

.

நொண்டி குதிரைக்கு....

சில விசியங்களை இலகுவில் கைவிட முடியாது. " நொண்டி குதிரைக்கு சறுக்கினதே சாக்கு போல " உத்தரவாதமான வெய்யிலும் ,தெளிந்த நீல வானமும், மிதமான கடல்க் காற்றும், வேலையில் லீவும், கையில காசும் , இருந்தால் சைக்கிளை தூக்கிக்கொண்டு ஓடிக்கொண்டு இருப்பது அலாதியான அனுபவம். இன்று ஒஸ்லோவின் முக்கிய கடல் விளிம்பு அதிசயமான , இந்தப் படத்தின் பிண்ணணியில் உள்ள " ஒஸ்லோ ஒபேரா ஹவுஸ் " பக்கம் சுற்றினேன்.

                                    உலகின் எல்லா நாடுகளிலும், முக்கிய நகரங்களில் " ஒபேரா ஹவுஸ் " இருக்கு. அதன் தமிழ் பெயர் எனக்கு தெரியாது. நான் நினைப்பது அதை " செவ்வியல் அரங்கு " என்று அழைக்கலாம் என்று. அதிகமாக இதில பல நூற்றாண்டுகள் முன் இசை அமைக்கப்பட்ட கிளாசிகல் சிம்பொனி, கிளாசிகல் நாடகம்,நடனம் தான் நடக்கும். நிறையப் பொறுமையும் கலைகளில் காதலும் வேண்டும் அதை ரசிப்பதுக்கு. துரதிஸ்டவசமாக அது ரெண்டுமே என்னிடம் இல்லாததால் உள்ளே போய் நேரத்தை வீணாக்க விரும்புவதில்லை..

                                         பத்து வருடங்களுக்கு முன்னர் ,ஒஸ்லோ நகரம் " பழய முறத்துக்கு சாணி, கிழ பொணத்துக்கு சோறு.." எண்ட பழமொழி போல ,சும்மா அலை கரையை அடித்துக்கொண்டு கிடந்த இடத்தில இந்த " ஒபேரா ஹவுஸ் " கட்டினார்கள். கொஞ்சம் எழுப்பமா வெளிய தெரியாவிட்டாலும் உள்ளுக்க நல்ல பிரமாண்டமா இருக்கும். நிறைய மில்லியன் குறோணர்களை விழுங்கியது இந்தக் கட்டிடம் இப்படி எழுந்து நிற்க.

                                         என்னத்தை எழுதினாலும் நிறையப் பழமொழிகள் எழுதும்போது அப்பப்ப வசனங்களில் இடை இடையே தள்ளிவிட்டுப் போவது. பலருக்கு அதன் அர்த்தம் விளங்குமா தெரியலை. முக்கியாமா அதை எழுதுற எனக்கே அர்த்தம் தெரியுமா என்று பலருக்கு சந்தேகம் நீண்ட நாட்களாய் இருக்கு. நானும் அங்கேயும் இங்கேயும் படிப்பது.

                                      " நொண்டி குதிரைக்கு சறுக்கினதே சாக்கு... போல " என்ற பழமொழிக்கு என்ன அர்த்தம் எண்டு சொல்லாட்டி என் மீது உங்களுக்கு உள்ள நம்பிக்கை இழக்க வாய்ப்பு உள்ளது . அதனால " படுத்தா ஒட்டுவதுதான் புரண்டாலும் ஒட்டும்,,போல " , அட பேந்தும்பார் இதுக்கும் ஒரு பழமொழி இடையில வருகுதே .. அர்த்தம் சொல்லுறேன்

                                       எனக்குத் தெரிந்த ஒரு நோர்வேயிய இன நண்பர் அடிக்கடி மூக்கு முட்டும் வரை குடிப்பார், குடிச்சுப் போட்டு தலையை சுவரில டமால் டமால் என்று முட்டுவார். " ஏன் இப்படி சுவரின் பலத்தை எப்போதும் பரிசோதித்துக் கொண்டு இருக்கிறாய் " என்று கேட்டா , " என் மனைவி எப்பவும் என்னோட சண்டை போட்டுக்கொண்டு இருக்கிறாள் . அத மறக்கத்தான் தினமும் குடிக்கிறேன்.” என்பார்.

                                உண்மையில் அவர் மனைவி இவரை விட்டுப் பிரிந்து போய் பலவருடம் . இவர் குடிச்சு வெறி தலைக்குத் தாறுமாறா ஏறத்தான் , அவர் கலியாணம் கட்டினதும் , பிரிந்து போன அவர் மனைவியும் , அவளோடு முன்னர் போட்ட சண்டையும் இவருக்கு நினைவுக்கு வரும். அதை வைச்சு மிச்ச கதையை சீரியல் போல இழுத்து நீட்டுறார்...

                              இவர் போல ஆட்களைத்தான் நொண்டிக்குதிரை. என்று சொல்லுவது. அவர் ஒரு பெரிய குடிகாரர். எப்படியாவது குடிக்க வேண்டும் என்பதற்காக ஏதாவது ஒரு சாக்கு சொல்லி குடித்து முடிக்க முடியாமல்க் குடித்துக் கொண்டிருக்கிறார் என்பதுதான் உண்மை.

                                        இது போலத்தான் நல்ல லொக்கேசன் உள்ள இடங்களுக்கு போகும்போது என்னை அறியாமல் மொபைல் போன் பொக்கட்டில் இருப்பது நினைவு வரும். நானும்தான் இனிமேல் மொபைல் போனில படம் எடுத்து அதை முகநூலில் போட்டு, தெரியாத்தனமாக வந்து கழுத்தில சுருக்கு மாட்டிக்கொண்டு நிக்குற நட்புக்களை நேரம் காலம் இல்லாமல் வதைப்பது சரி இல்லை என்று நினைப்பது, ஆனாலும் ஆசையை மீசை போல வழிக்க முடியலையே.

                        என்ன சீவியமடா இது !
.
,.
12.08.15

சிதைவின் ராகங்கள்.....

யாழ்பாணத்தில இருந்த புனித யாகப்பர் கோவில் பொம்பர் குண்டு போட்டு அழிந்ததை, திருப்பிக்கட்ட நிதி சேகரிக்க "சிதைவின் ராகங்கள் " என்ற ஒலிநாடா "90"களில்  அந்தக் கோவிலின் பங்கில் உள்ள இறை அடியார்கள் எல்லாரும் சேர்ந்து தயாரித்தார்கள்! கெசட் வடிவில் வந்த  அதை ஆணைக்கோட்டையில் இருந்த,கிறிஸ்தவப் பாடல் இசை அமைப்பாளர் ஜேசு..... மாஸ்டர்,கிடத்தட்ட பத்து பாடல்கள் இசைஅமைத்தார். 

                                                       நான் அந்த நாடாவுக்கு "ரிதம்" கிடார் வாசித்தேன் . இனி நான் சொல்லப்போறது  " சிதைவின் ராகங்களுக்குள் " நான் இசைத்த கிட்டார் வாசிப்பு சிதையாமலே தொலைந்து போன ஒரு காலம் விழுங்கிய  கதை.இது முழுவதும் உண்மைக்கதை போலிருக்கு என்று நீங்கள்  நம்பினால் அது  என் கதைசொல்லி உத்திக்குக் கிடைத்த வெற்றி . அப்படி இல்லை இது சும்மா உடான்ஸ்  உல்டா என்று நினைத்தால் அதுவும் என் எழுத்துக்குக் கிடைத்த அங்கீகாரம் .

                                                   அந்த நாட்களில் சுமாரான தூறல் போல இசை மழை பொழியும் ஒரு இசைக்குழுவில் Bass கிடார் வாசித்த என்னை, அந்த இசைக் குழுவுக்கு "சவுண்ட் சிஸ்டம் " கொடுக்கும்  நாவாந்துறை  "தொம்சன் சவுண்ட்ஸ்" பாலச்சந்திரன், அந்த நாடாவுக்கு "ரேகோர்டிங்கில் " Rytham Guitar வாசிக்க கேட்க, உலக இசை வரலாற்றில் முதல் முதல் ஒரு ஒலிநாடாவில் என்னோட கிட்டார் சத்தம் இரைச்சல் கலந்த சத்தம் ஆகி வந்தது!

                                                      எனக்கு அப்போது  ரிதம்  கிட்டார்  ஸ்டைலா வாசிக்க தெரியும், ஆனால் ஹர்மோனி ஸ்ட்ரக்சர் டெக்னிகல் , அரிதான  கோர்ட்ஸ் அரன்ச்மெண்ட்ஸ், ரிதமிக் ஒர்கேச்ற்றசன் போன்ற  ஒரு ரெக்கோர்டிங் ஆர்டிஸ் இக்கு விளங்க வேண்டிய  சிக்கலான கோட்ஸ் விசியங்கள் தெரியாது,ஆனாலும் மாஸ்டர் பல விசியங்கள் சொல்லி தந்ததால் ஒரு மாதிரி புனித யாகப்பர் புண்ணியத்தில் வாசித்து ஒப்பேற்றினேன். 

                                   ஜேசு....மாஸ்டர் மீசையில்லாத  எழுபதுக்களின் தமிழ் சினிமாவில் வரும் வில்லன் போல இருப்பார். என் எஸ் கிருஷ்ணன் போல பின்னுக்கு சுருட்டி நீவிவிட்ட சுருள் முடி. ஆறடிக்குக்  கிட்ட  நெருங்கும்  உயரமான தோற்றம். அகலமான வட்ட முகம் ,கண்களில் பணிவும் கருணையும் பேசவைக்கும்   அன்பான மனிதர். அவர் பத்து விரல்களில் கறுப்பு வெள்ளைப் பியானோக் கட்டைகள் தவண்டு உருண்டு ஓடிப்பிடித்து விளையாடும் 
                                                               

                                  அந்த இசைப்பதிவு O.L .R சேர்ச்சுக்குப் பின்ன இருந்த அடைக்கல மேரி பாதிரிமாரின் பங்களாவில் நடந்தது. ஆரம்பத்தில் அந்த ரெக்கோர்டிங் ரிகர்சல் ஒத்திகையில் ஆர்மோனியத்தை வைத்து நோண்டி மெட்டுப் போட்ட ஜேசு.... மாஸ்டர், கடசியா ,ரெகொர்டின்கில் பாதிரிமாரின் கிளாசிகல் ஜெர்மன் மரப் grand piano வில அழகாக பூந்து விளையாடுவதை பார்க்க அவரின் பியானோ அறிவு கைகளில்  நடனம் செய்யும் சரஸ்வதி கடாச்சம் உண்மையில்  ஆச்சரியமா இருந்தது !

                      நான்  ஒரு நேரம் தெரியாமல்  ஆர்வக்கோளாறு அதிகமான டும்மாங்குள்ளி. அதால கிட்டாரில் காலநேரம் இல்லாமல் புதுமையாக இசை  யாசிக்கிறேன்  பேர்வழி என்று  எப்பவும் எதையாவது வைச்சு நோண்டுறது . நான் அவர்கள் படிய பாடல்களை இடையே ஓய்வு நேரத்தில "லீடில் " கிடாரில் சும்மா பொழுது போக  வாசிப்பதைக் கேட்டு கொண்டு இருந்த ஜேசு.....மாஸ்டர், ஜோசிச்சுப் போட்டு 

                              " அப்ப ,நான் கொஞ்சம் இண்டர்டக்சன் ,இண்டர்ளு ,பில்லிங்க்ஸ் , லீடில போடுறன் கவர்-அப் பண்ணுரறீரா, டெம்ப்போ எல்லாம் நீர் பிடிப்பீர் போல இருக்கு, மற்றப்படி அதுகள் எங்க வருகுது எண்டு நோட் சீட்டில எழுதித்தாரன்  அதையும் பாடல்கள் இடையில் வரும் பிறி இன்டர்லூட்களில் சேர்க்கலாம் போல இருக்கு   ?"

                          எண்டு கேட்க , ஆரவக்கோளாரில ,நான் மண்டைய ஆட்ட, அந்த மனுஷன் ,  சடார் புடார் எண்டு ,  கிளாசிகல் "BAR NOTATION " எழுதித்தந்தார் ,நான் அதை இங்கிலீசுப் பேப்பரை பார்க்கிறமாதிரி பார்த்துக் கொந்டிருந்தன் ,ஜேசு...மாஸ்டர் பொறுமையானவர்  இல்லாட்டி  என்னைப்போல  ஒரு  அல்லக்கையை  வைச்சு  அவளவு துன்பத்தை அனுபவித்திருக்க மாட்டார்.

                                நான் "போர்மல் சிலபஸ் தியரி" முறைப்படி கிற்றார் படிக்கவில்லை. இப்பவும்தான், அப்பவும்தான் " பார் " என்டா என்னண்டு நல்லா விளங்கும். அதுக்குள்ள நல்லா பூந்து விளையாடுவேன் ,ஆனால் இசைக் குறிப்புகளை நோட் வடிவில் தாள லயம் எல்லாம் தெளிவாக குறியீடுகள் வண்ணாத்திப்பூச்சி முள்ளுக் கம்பிக்கு மேலயும் கீழயும் பறக்கிற மாதிரி  ராகம்,  தாளம், பல்லவியை  வெஸ்டர்ன் கிளாசிகல் இசை வடிவில் எழுதும் "BAR NOTATION "  என்றால் விளங்காது,!

                              நான் முளிகிரத்தை பார்த்திட்டு மாஸ்டர், மென்மையாக 

                          " உமக்கு , பார் நோடேசன் விளங்காது போல கிடக்குது, 

                          "  ஓம்  சேர்  எனக்கு  டப் வடிவில் கிட்டார்  நோட்ஸ் ஓரளவு  விளங்கும் ,,,கிளாசிக்கல் பார் நோடேசன் சுத்தமா விளங்காது "

                             " எனக்கு டப் வடிவில் எழுதத் தெரியாது,,என்ன  செய்யலாம், ஹ்ம்ம்,,,,ஹ்ம்ம்,,,,அதுதான் வேற என்னவும் ஒரு  மாத்து  வழி   இருக்குமோ  என்று ஜோசிக்கிறேன் "

                              "  அப்ப  பின்ன விடுங்க  மாஸ்டர்,,ரிதம்  கிட்டார்  மட்டும்  வாசிக்கிறேன்,எதுக்கு உங்களுக்கு வீண் சிரமம்     "
                                                                          
                              " இல்லை    நீர்  நல்லா  வாசிக்கிரீர்  ஆனால் நோட்ஸ் போட்டால்தான் ரெகொர்டிங்கில் மற்ற வாத்தியக்காரர்  சரியான டைமிங்கில் இடத்தைப் பிடிச்சு  உமக்கு முன்னுக்கும் பின்னுக்கும் டெம்போ விட்டு ஒர்கெஸ்ஸ்டேசன் செய்ய லேசா  இருக்கும், இல்லையா "

                              " ஓம்,,சேர்  அது  உண்மைதான்,,நானும்  அதைக்  கவனித்து இருக்கிறேன் "

,                              " இல்லையோ,,சொல்லும் பார்ப்பம் , இல்லாட்டி  ரெக்கொர்டிங்கில் கேப் விழும்  எல்லோ,,அதுதான்  ஜோசிக்கிறேன்..ஹ்ம்ம் "  

                                 "அதுதான்  நானே  சொல்லுறேன்  என்னை விடுங்க  மாஸ்டர்,  நான் ,ரிதம்  கிட்டார்  மட்டும்  வாசிக்கிறேன் " 
                                              
                                    " இல்லை    நீர்  நல்லா  வாசிக்கிரீர்,   சில  விசியங்கள்  லீட் கிட்டாரில் போட்டால்  கொஞ்சம் ரிச் ஆக  வரும்  பாடல்கள். ஹ்ம்ம் ,,அப்ப  பேசாம , நாளைக்கு வீட்ட வாரும் ,சாருமதி ,வயலினில வாசித்து காட்டுவா" எண்டார் ,"

                 "சாருமதி யார்? "

                              எண்டு கேட்க வாய் வந்தது,  மாஸ்டருக்கு கோபம்வந்து,  சிலநேரம் அதால எனோட எதிர்கால இசைப் பிரபலமாகி மைகள் ஜாக்சன் போல வரும் கனவு பாதிக்கப்படலாம் எண்டு கேட்கவில்லை!

                               மாஸ்டரே  நான் மனதில நினைத்ததை வாசித்தது போல , நெஞ்சில பாலை வார்த்து  ,  

                     " சாருமதி ,என்னோட மகள், அவள்தான்  பைனல் ரெக்கோர்டின்கில் வயலின் வாசிக்கப் போறாள், அவள் கர்நாட்டிக் ஸ்டைலில்  சொல்லி தருவாள்,,நான்  நோட்ஸ்  எழுதி அவளிட்டக் கொடுக்கிறேன்,,அவள்  பொறுமையா சொல்லிதருவாள்,,நீர்  பிடிசிடுவீர்,,பிறகு  உமக்கு  ஏற்ற  மாதிரி  அதை டப்  ஸ்டில்  குறிச்சு  வையும்,,என்ன  நான்  சொல்லுறது  ஓகே  தானே  " என்றார்!

                           அடுத்தநாள் காலையில கிற்றாரை A .K 47போல தோளில கொழுவிக்கொண்டு , ஆணைகோட்டைக்கு சைக்கிளை மிதிசுக்கொண்டு போனால்,அங்க வீட்டில ,மாஸ்டர் இல்லை,சாருமதி மட்டும்தான் நிண்டாள்! அவளைப் பார்க்க சாருகேசி  ராகம் போலவே அழகா,இளமையா ,அம்சமா,அடக்கமா,வேதகாரருக்கே உரிய நட்பான,பந்தா போடாத இயல்பில் வீட்டு வாசலில் வந்து நின்று ,

                                " நான் தான் சாருமதி ,,அப்பா நீங்க வருவிங்க எண்டு சொன்னார் ,,தேத்தண்ணி ஒண்டு குடிச்சுப்போட்டு  நோட்ஸ் அரேஞ்மென்ட்ஸ்  பார்ப்பமா...உங்களுக்கு ஓகே யா  , 

                                     "    ஓம்,,ஓம்.,,,எனக்கு  பிரசினை  இல்லை ,,,உங்க வீடு  சோலைக்கு நடுவில உள்ள மாதிரி குளிர்ச்சியா இருக்கு    "       

                                    "  அப்படியா...நன்றி ..  உங்கட  வீடு  எங்க இருக்கு,,,நெறையத் தூரமா  இருந்து  சைக்கிள்  மிதிசுக்கொண்டு வாறிங்களா "

                                  "    ஓமோம்,,,என்னோட  வீடு  நல்லூர்  கோவிலுக்கு  கிட்ட  இருக்கு. அங்க  இப்படி  வீடுகள்  ஐதாக  இருக்காது,,நெருக்கம்  அதிகம் ."

                                "  ஒ ,,அப்படியா,,நீங்க  சைவைக்காரரா...எப்படி  அப்பாவைத்  தெரியும், பாதர்  மரிய சேவியரின் ,கலா மன்றத்துக்கு  போறனிங்களா    "                                
                                   
                                                "  இல்லை,,,ஜேசு  ..மாஸ்டரை,,தொம்சன்  பாலச்சந்திரன் தான்  அறிமுகம் செய்து வைத்தார்,,ஒரு  இசைக்குழுவில்  கிட்டார் வாசிப்பேன்,,,அதுக்கு தொம்சன்ஸ்  தான் சவுண்ட்ஸ் சிஸ்டம்  கொண்டுவருவார்கள்  "

                                       "  எந்த தொம்சன்ஸ்,,,,,பாலா  மாமா  அவரா,,கொம்போறிமூக்கன் பாம்புபோல  தலையை  ஆட்டுவார்  அவரா...ஹஹஹஹ "

                             " ஓம்,,ஓமோம்,,அவர்தான்  "                                                                                                                              
                                 "   ஹ்ம்ம்,,,அவர் அப்பாவின்  நல்ல  பிரெண்ட்,,நான்  அவரை  வைச்சு  முசுப்பாத்தி விடுவேன்,,எல்லாத்துக்கும்  ஹெக்கே ஹெக்கே  என்று சிரிப்பார் "

                                   "   அப்படியா , பாலா  என்னோடும்  நல்ல  ஒட்டு , நல்ல ஒரு  சவுண்டிங் டெக்னிசியன் ... ஹ்ம்ம்   "       

                                    "  வீடில அம்மா இல்லை உலை வைச்சுட்டு  ,பார்த்துகொள் பிள்ளை என்டுட்டு  ,ஆறுகால் மடம் சந்தைக்குப் போயிட்டா .. "

                             "   சரி,,நீங்க  சமையல்  முடிய  வாங்க,,ரிகர்சல்  பார்க்கலாம்,,நான்  இருப்பேன்,,,நல்ல  காத்து  அடிக்குது  இந்த  வீட்டுக்கு  முன்னாலே     "                    

                                    " அப்பா மறைக் கலா மன்றத்தில் ஏசுவின் பாடுகள் நாடகத்துக்கு மூசிக் பழகப் போயிட்டார் கொஞ்சம் இங்க இருங்க நான் தேத்தண்ணி போட்டுக்கொண்டு வாறன் . ஆனைக்கோட்டைக்கு முதல் வந்து இருகுரின்களா ..."    

                 எண்டு ஏதோ வருசக் கணகில என்னைத் தெரிஞ்ச மாதிரி தன்னை அறிமுகம் செய்தாள் .

                           நான் அவர்கள் வீட்டு வாழவில நிண்ட செவ்விழனி மரங்களை பார்த்துக்கொண்டு வெளிய விறாந்தையில் இருந்தேன் , கல்லுண்டாய் வெளிக் காற்று மானிப்பாய் வீதியைக் கடந்து மெலிதாக அவர்கள் வீட்டு வேப்ப மரம் எல்லாத்தையும் தடவ ,அவர்கள் வீட்டு  வாசலில்,வெளிக் கதவுக்கு மேலே  தேவ மாதாவின் படம் கொழுவி ,அதுக்கு மேல குருத்தோலை போல என்னவோ காய்ந்து போன ஒரு ஓலையை செருகி ,

                      "  ஜீவிதத்தில்  கர்த்தரை மறவாதிரு ...நான் உன்னுடனே எப்போதும் வருவேன் ,

                          எண்டு பைபிளின் வேத வாசகம் எழுதி இருந்தது.  கொஞ்ச நேரத்தில சாருமதி சட்சம சுருதியில் பாடுவது போல இயல்பாக 

                                        "சோறு வடிசிட்டன் ,இனி அம்மா வந்து மிச்சத்தைப் பார்க்கடும், உங்களுக்கு பால் டீயும் எனக்கு, பிளேன் டீயும்  போட்டேன் ,சீனி காணுமா பாருங்க,,, "

                          எண்டு சொல்லிக்கொண்டு வந்து  , முதலில் கொஞ்சம் குழப்பாமா ஜோசிதுப்போட்டு ,

                                " எனக்கு எங்க இருந்து தொடங்கிறது எண்டு தெரியவில்லை , அப்பா நோட்ஸ் எழுதிய பேபரில இருக்கிற பல்லவி ,சரணத்துக்கு இடையில் வார பில்லிங்க்ஸ் கொஞ்சம் பார்ப்பம் "

               எண்டுபோட்டு

                          " முதல் பாடல் ஆபேரி ராகத்தில ,அதுக்கு என்ன கோர்ட்ஸ் பிடிக்கப் போரிங்க? "

                           எண்டு இயல்பாகக் கேட்க அன்றுதான் முதல் முதல் என்னோட வாழ்கையில்  ஒரு அழகான இளம் பெண்ணுக்கு முன்னால என்னோட விதி விளையாட தொடங்கியது....

                      எனக்கு அந்த ராகம் என்ன நாசமறுப்பு எண்டே தெரியாது , ஒரு குத்து மதிப்பில ,உலகத்து கடவுளை எல்லாம் கும்பிட்டு போட்டு  Cm என்ற கோர்ட்ஸ் ஐப் பிடிசன் ,

               அவள் சடார் எண்டு

                           " இது சண்முகப்பிரியா ராகதுக்குதான் பொருந்தும் ,

                           " என்னது "

                         " ஓம் ,,அவரோகணம்  நோட்ஸ்  அப்படிதானே  வரும் "

                            "  அதென்ன "

                             " அய்யோ கடவுளே  அப்பா  போட்டுள்ள நோட்ஸ்  ஹரிகாம்போதி  போல எனக்கு  இருக்கு "

                           "  அய்யோ கடவுளே அதென்ன  "

                          "  போச்சுடா,,அப்பா  விபரம் ஒன்றும் குறிக்கவில்லை ,எனக்கும் குழப்பமா  இருக்கு "

                            " எனக்கு உயிரே போறமாதிரிக் குழப்பாமா  இருக்கே "

                    " ஹஹஹ ,,குழம்ப வேண்டாம்,,நான் சொல்லித்தாரேன் "

                                  "  பிளிஸ்..சொல்லித்தாங்க "

                               "  சரி, ஆனால்  நீங்க  கிட்டார் பிடிக்கிற விதம் ஸ்டைலா இருக்கு. "

                                   " ஹ்ம்ம்,அப்படி ஸ்டைலா பிடிக்க மட்டுமே  எனக்கு  தெரியும் போல இருக்கு,,அதுவும்  உங்களை இப்படி இடக்குமுடக்கா  சந்தித்த பிறகு   "

                                 " இதில என்ன இருக்கு,  எல்லாருமே ஒருவிதத்தில் கத்துக் குட்டிகள் தானே,,நான் உட்பட "

                                       " நான்  என் விதி எப்படிப்போகும் என்ற காலக்கொடுமை தெரியாமல் ,,வந்து உங்களிடம் மாட்டிக்கொண்டேன் போல இருக்கே "

                              " ஹ்ம்ம்,, பிரசினை இல்லை  நான் சொல்லித்தாரேன் "

                     "  பிளிஸ்,,சொல்லுங்க  நீங்க சொல்லுறபடி வாசிக்கிறேன்

                             "முதலில் உங்கள் கிடார் சரியா சட்ஷமம் சுருதியில்  இல்லையே  , சுரங்கள்   பிழைக்குதே, நான் நினைக்கிறன் சரியா  Tune பண்ணப்படவில்லை , முதலில் அதை சரிசெய்யுங்கள்"    என்றாள்  ,

                      நான் கிடாரில் தட்டிய முதல் தட்டிலேயே ,என்னோட கிடாரில் சரியாக சுரங்கள் ஹர்மொனியா சத்தம் வரவில்லை எண்டதை சொன்னது ஆச்சரியமா இருந்தது, அவளின் இசை புலமை அதிரவைக்க , இவளிட்ட சடையல் பருப்பு ஒண்டும் வேகாது எண்டதை நினைக்கப் பயம வந்து  பால் டீயைக் குடிச்சும் நாக்கில தண்ணி வறண்டு போச்சு !

                                வெட்கத்தை விட்டு

                   " சட்ஷமம் என்றால் என்ன நோட் வார கம்பி கிடாரில் " எண்டு கேட்டேன்,,,

                               அவள் " எனக்கும் கிட்டார் பற்றி அதிகம் தெரியாது ,வயலின் தான் தெரியும் அப்பா சொல்லி இருக்குறார்,சட்சமம் தான் Open E நோட் வார கம்பி எண்டு, E Mjor சட்ஷமம் வார கம்பியோட B Major பஞ்சமம் வார கம்பியை ஒரே நேரம் சேர்த்து தட்டினால் ஹர்மோனியா சிங்கரனைசிங் செய்யும் "   என்றாள் 

              எண்டு போட்டு

                 " இதுவும் அப்பாதான் சொல்லித் தந்தார் "

                               எண்டு வஞ்சகம் இல்லாமல் வாயெல்லாம் சூரியகாந்திப் பூப் போல சிரித்தாள்.  , என்ன சீவியமடா இது இந்த சின்னப் பெண்ணிடம் இவளவு வழிந்து கேட்டுக் கற்க வேண்டி இருக்கே எண்டு வந்த வெறுப்பில

                      " பேசாம உங்க அப்பாவுக்கே பிள்ளையாப் பிறந்து தொலைச்சு இருக்கலாமே "

                      எண்டு சொல்ல நினைச்சேன் ,,ஆனால் அவை அடக்கத்தால் சொல்லவில்லை..  

                               கடைசியில் நான் Open E கம்பியை Open B  கம்பியோடு சேர்த்து தட்ட அவள் சொன்ன மாதிரியே ஹர்மோனியா சிங்கரனைசிங் பண்ணி நாதம் கிளம்ப,நான் அவள் முகத்தை முதல் முதல் முழுவதும் பார்க்க  , மாதுளம்பூப்  போல மென்மையான கன்னத்தில் , இரண்டு பெரிய ஜன்னல் போன்ற விழிகளில் சங்கத் தமிழ் மொழி எழுதி, பல்லவ காலச் சிற்றன்ன வாசல்  ஆயிழைச்  சிற்பம் போன்ற அமைதியான முகத்தில் ஒரு வித பணிவு இருக்க,  வகிடு பிரித்து பின்னுக்கு ரெட்டைப் பின்னல் பின்னிய தலை மயிரில் ,கொஞ்சம் முரண்டு பிடித்து முன்னுக்கு சுருண்டு விழுந்த சில  மயிர்க் கற்றைகள் நெற்றியில்

                                  " வேம்பின் அமலை வான் பூச் சுரி ஆர் உளைத் தலை பொலியச் சூடி,குன்று தலைமணந்த கானம்சென்றனர் கொல்லோ சேயிழை! நமரே..... "

                         என்று குறுந்தொகைக் கவிதை எழுத,  அவளை நிமிர்ந்து பார்க்காமலேயே வேப்ப மரக்காற்றின் வாசத்தில் வழுக்கி வழுக்கி நான்  விண்வெளியிற் பறந்தேன்......

                                                 அதுக்கு பிறகு சாருமதி வயலினை கொண்டுவந்து, மாஸ்டர் எழுதின நோட்ஸ்களை " சா ,பா ,ரி ,நி ,அரை இடம்,கால் இடம் , அபேரி, இந்தோளம் " எண்டு கார்நாடகதில முழங்க, எனக்கு வயித்தக் கலக்கத் தொடங்கிவிட்டது ,நாசமாப்போன கர்நாடக சங்கீதமும் எனக்கு ஒழுங்காத தெரியாது, முழுமையா அதைப் படிக்க சந்தர்ப்பம் இருந்தும் அதை நான் முழுமையா படிக்கவேயில்லை. அதைவிடக் கேவலம்,ஒரு அழகான பெண்ணிடம் அதை தெரியாது எண்டு சொல்வது,அனுபவித்துப் பார்த்தாதான் அது தெரியம் அந்த அவலம்  !

                 நான் அவள் வயலினை இழுத்து, இழுத்து வாயல கட கட எண்டு யாழ்தேவி போன மாதிரி ,

                                          " இதில ஆதிதாளம் திஸ்ர நடைக்கு மாறுது ......இதில ஒரு சின்ன எட்டுக்கு எட்டு இடைவெளி வருகுது .........இந்த அனுபல்லவி சங்கராபரணம் ,,,,  இதில ஒரு ஹால்ப் நோட் இடைவெளி வருகுது.....இதை அரை இடத்தில தொடங்குங்க .. கடைசிப் பாடல் நீலாமணி ராகத்தின் ஜென்ம ராகம் சிவரஞ்சனி இல வரும் ஆனால் அதில அதிகம் தாய் ராக சாயல் இல்லைப்போல இருக்கே எண்டு  "

                              எண்டு  என்னைக் கேட்டாள் , எனக்கு நீலாமணி சிவரஞ்சனியே தெரியாது,,இதில அதிண்ட ஜென்ம ராகம்,தாய் ராகம் வேற தெரியுமா எண்டது போல  கொஞ்சம் கூட இரக்கம் இல்லாமல் அவள் கேட்கிறள்,,நான் சும்மா இருந்தேன் அவள்  சொல்லுறதை, வெறுமே TV இல் இங்கிலீசு நியூஸ் சொல்லுறதைப் போல பார்துக்கொண்டு இருந்தேன்! அவளுக்கு எப்படியோ அதுகள் எனக்கு விளங்கவில்லை எண்டு தெரிந்து , கொஞ்சம் ஜோசிதுப்போட்டு , சாருமதி கதிரைய கிட்ட இழுத்துப்போட்டு எனக்கு கிட்ட இருந்து சிம்பிளான 1/2/3/ ஸ்டைலில் சொல்லிதர அவளின் தலைமயிரில் இருந்து சந்தனாதித்தைலம் வாசம் வந்தது!

                                          "   அப்பா  போட்டுள்ளா  ராகங்களைக்  கவனிச்சிங்களா ,,கடைசிக்கு  முதல்  பாடல் சிமேந்திரமதிமம் ,,எப்படி  அழகா  இருக்கு அந்த  பாடலின் அனுபல்லவி  கேட்டிங்களா ,,அதைக்  கவனிச்சிங்களா "

                                        "   நான்  உங்களைதான்  இவளவு நேரமும் கவனிசுக்கொண்டிருந்தேன்  "  

                                     " என்ன என்ன சொல்லுரிங்க , சத்தமா  சொல்லுங்க ,சரியாக் கேட்கவில்லை,நீங்களே  வாயுக்க  உங்களுக்கு  மட்டும்  கேட்கிற மாதிரி  முணுமுணுக்காமல் ,இன்னொருக்கா உரத்து சொல்லுங்கோ "

                                  "  நான்  நீங்க  சொல்லிக்கொண்டு இருந்த கிட்டார்  நோட்ஸ் விசியங்களைதான்   இவளவு நேரமும் கவனிசுக்கொண்டிருந்தேன் என்று  சொன்னேன் "

                                      "   அட அட அட ...ஹ்ம்ம்           ஆனந்தராகம் கேட்கும்  நேரம் ,,, ஆனந்தராகம்  கேட்கும் நேரம் "

                                      "  இதென்ன ,,,இது  ஒரு  சினிமாப்பாடல்  எல்லா,,,ஏன்  இதை  இப்ப பாடுறிங்க "

                                         "இந்தப்பாடல்  சிம்மேந்திரமத்திமம்  ராகம்,,,,எனக்கு  நல்ல  விருப்பம் அந்தப்  பாடல்  அதுவும்  அது சிம்மேந்திரமத்திமத்தில் உள்ளதால் "

                                     " அப்படியா ,,நல்லது   "                                                                                                                                                                   

                               கட்டுப்பாடு மீறிப்போன ஆத்தில  நாட்டுக்கோட்டை செட்டியார்  ஒரு மரத்துண்டைப் பிடிச்சுக்கொண்டு குழறிக்கொண்டு போன மாதிரி  "ரிகர்சல்"  ஒருமாதிரி முடிய , சாருமதி கொஞ்சம் களைத்துப்போய் , ஆனால் உற்சாகம் இழக்காமல் ,

                       "உங்களுக்கு களைப்பாக இல்லை என்றால், எனக்கொரு பாடல் கிடாரில வாசிசுக்  காட்டுங்கோ "

                எண்டு சின்னப் பிள்ளைகள் போல சிரிக்க ,

                          நான் அவளுக்கு "இளையநிலா பொழிகிறது " ஐ வைச்சுப் பொழிஞ்சன்!

               அதுக்குப் பிறகு ரேகோர்டிங்கில் சாருவும் பிஸி, நானும் பிஸி , ஒரு நாள் முழுவதும் நடந்த அந்த ரேகொர்டிங்கில் , இசை அமைப்பில் வரும் டெக்னிகல் விசியம் மட்டும் சைகையால பாடல்களுக்கு நடுவே ரேகொர்டிங் தொடங்க முதலும் ,இடையிலும் பேசினோம் ,,,வேற  எந்த விசியமும் பேச சந்தர்பம் கிடைக்கவே இல்லை!,

                                          ,"சிதைவின் ராகங்கள் " ஒலிநாடா யாழ்ப்பான புனித யாகப்பர் கோவிலில் வெளியிட்டு, எனக்கும் அதில வந்து கலந்துகொள்ளச்  சொல்லி ஒரு தகவல் அனுப்பினார்கள் , அதில் இசைக்கருவி வாசித்த எல்லாரையும் தலைமைக் குருவானவர் சந்தித்து கவுரவித்தார். நான் அந்த நிகழ்வு பார்க்கப் போனேன் , அந்த ரெக்கொர்டிங்கில்  சம்பந்தப்பட்ட யாரையும் சந்திக்கவில்லை ! 

                                                            முக்கியமா நான் மேடைப் பக்கமே போகவில்லை, ரோட்டு வெளியே , ஓரமாக இருட்டில நிண்டு "லவுட் ஸ்பீகரில்" இல முதல் முதல் அந்த ஒலிநாடாவைத்  தலைமைக் குருவான பாதிரியார் வெளியிட்ட போது  அவர்கள் போட்ட "சிதைவின் ராகங்கள் " களைக் கேட்டேன். வழமையாகக்  கேட்கும்  கிறிஸ்தவ தவக்காலப் பாடல்கள் போலத்தான் இருந்தது 

                                      லைட் போஸ்ட்டில தலைக்கு மேல கட்டி இருந்த "லவுட் ஸ்பீகரில்" ,சத்தம் காதைக் கிழித்துக்கொண்டு வர ,நான் வாசித்த என்னோட கிடார் சத்தம் அந்தப் பாடல்களில் வருகுதா எண்டு உன்னிப்பாகக்  கேட்டேன் , அந்த "லவுட் ஸ்பீகரில்" ஒரே நேரத்தில எல்லா இசைக்கருவிகளின் சத்தமும் கும்பலில்  கோவிந்தா போல வர நான் வாசித்த என்னோட கிடார் சத்தம் அதில மேல் எழுந்து வரவேண்டிய இடங்களில் கூட அந்த சத்தம் வரவே இல்லை . 

                                                    தகரப் பேணியுக்க சல்லிக் கல்லைப் போட்டுக் குலுக்கின மாதிரி "சிதைவின் ராகங்கள் " அந்த "லவுட் ஸ்பீகரில்" கொஞ்சம் சிதைந்துதான் வந்தது ! மண்ணெண்ணைப் புனல் போல இருக்கும் லவுட் ஸ்பிகரில்  இசை என்பது எப்பவும்  கதைக்கிழிக்க வைப்பதுபோல வரும் ஆனால் இனிமையாக வரவே வராது  என்பதும் முன்னமே தெரியும் 

                              சில வரங்களின் பின் மாஸ்டரை கண்டன் அவர்

                                " அரசன்,ஏன் வெளியிடுக்கு வரவில்லை,பாதர் ,ரிதம் வாசித்த உம்மைப் பார்க்க ஆசைப்பட்டார், அவருக்கு உம்மட ரிதம் பிடித்துவிட்டது, அவரும் ஒரு கிளாசிகல் பியானோ வாசிப்பவர் " என்றார்.

                                                   நான் என்னத்த சொல்லுறது , நீங்களே சொல்லுங்க பார்ப்பம் வந்து வெளியில நிண்டு "லவுட் ஸ்பீகரில்" நான் வாசித்த என்னோட கிடார் சத்தம் தந்த இசைமழையில் நனைத்தேன் எண்டு பொய் சொல்ல விரும்பாமல் , அமைதியாகா அவரிடம் இருந்து ஒரு "சிதைவின் ராகங்கள் " ஒலிநாடாவை வேண்டிக்கொண்டு

                  " நன்றி மாஸ்டர் "

                               எண்டுபோட்டு நைசா வீட்டை வந்திட்டன் 

                                வீட்டை வந்து முதல் வேலையா வீட்டில இருந்த டேப் ரெகார்டரில் அந்த "சிதைவின் ராகங்கள் " கேசட்டை போடுக் கேட்ட நேரம் , சிதையாமல் அருமையான சத்தம் அகோச்டிக் லெவலில் வந்தது , என்றாலும் டெக்னிகலா அதில நான் வாசித்த சில கோர்ட்ஸ் , சில ரிதம் பிழைகள் இருந்தது, அது டெக்னிகலா கிடார் ரேதம் அரென்மென்ஸ் விளன்கியவர்களுக்தான் தெரியும் ,,அதாலா நான் அதை ஒரு பெரிய பிழையா நினைக்கவில்லை ,அதைவிட நானும், டெக்னிகலா சொன்னால் , சும்மா ஒரு கத்துக்குட்டி கிடாரிஸ்ட் தான் அந்தநேரம் .

                                          வீட்டில இருந்த டேப் ரெகார்டரில் அந்த "சிதைவின் ராகங்கள் " கேசட்டை போடுக்கேட்ட நேரம் என்னோட அம்மாவுக்கு கோபம் வந்திட்டுது, 

                                                   "  டேய் நிப்பாட்ரா , இந்த அல்லோலோயா பரம பிதா , பாவ மன்னிப்பு பாட்டை, "

                                           "  ஏன் அதுவும் பக்திப் பாட்டுதானே "

                                          " என்ன பக்திப் பாட்டு  சொல்லு   கண்டறியாத வேதகாரரிண்ட பாட்டை இங்க என்னத்துக்கு போட்டு, அதை எதோ , சினிமா பாடுப்போல ரசித்து கேட்கிறியே,"

                                       "   நல்லா இல்லையா "

                                        " போற போக்கில வேதக்காரனாய் மாறி கழுத்தில குருசை மாட்டிக்கொண்டு, எங்கயும் ஒரு சேர்சில பங்க்குத்  தந்தைக்கு பின்னால நிண்டு சுவிஷசம் சொல்லுவாய் போல இருக்கே ,"

                            " ஹ்ம்ம்,,அதுவும்  நல்லா இருக்கும் போல "

                            "  பொத்தடா வாயை  ,உனகென்ன விசரா?"  எண்டா.

                       என்னோட அம்மா வீடில சைவசமய பக்திப் பாடல்கள் ,அதுவும்  சூலமங்கலம் சகோதரிகளின் "கந்தசஷ்டி கவசம் ", சீர்காழி கோவிந்தராஜன் ,M ,S ,சுப்புலட்சுமி பாடிய சங்கீதம்  சந்தனம் போலத் தடவிய பாடல்கள்,கீர்த்தனைகள், மட்டும்தான் கேட்பா, வேற ஒண்டுமே கேட்கமாட்டா , சினிமாப் பாடலே எழுவத்தி  அஞ்சுக்கு முன் வந்த கறுப்பு வெள்ளைப்  படப் பாடல்கள் மட்டும் தான் விரும்பிக் கேட்பா.   

                              அந்த "சிதைவின் ராகங்கள் " இசை நாடவுக்கு நான் கிடார் வாசித்ததை நான் அம்மாவுக்கு அதுவரை சொல்லவே இல்லை ,,சிலநேரம் அவா கிறிஸ்தவர்களோட நான் அள்ளுப்பட்டு போயிடுவானோ எண்டு பயந்தாலும் என்றோ அல்லது அவாவுக்கு சொல்லி என்ன வரப்போகுதோ எண்டோ சொல்லவில்லை !

                                  முதல் முறையா இனி என்ன வரப்போகுது எண்டு நினைச்சு  

                               " இந்த பாடலுக்கு நான்தான் அம்மா ரிதம் கிட்டார்  வாசித்தேன் " என்றேன்,

                          அம்மா அதிர்ந்து ,திடுக்கிடு, கிட்டவந்து என்னை கொஞ்சநேரம் பார்த்திட்டு,

                           "  அதென்ன ரசம் வைக்கிற கிட்டார் , என்னவோ சொல்லுறாய் எனக்கு விளங்கவில்லை , ஆனாலும் இதை முதலில சொல்லி இருக்க கூடாதா "

                                       எண்டு போட்டு, அந்தக் கேசட்டை முதலில் இருந்து போடசொல்லி ,முழுவதையும் கேட்டுப்போட்டு , முழுவதையும் ஒரு பாடல் விடாம கேட்டுப்போட்டு , என்னையும் டேப் ரேக்கார்டரையும் மாறி மாறி நம்ப முடியாமல்ப் பார்த்தா. நான் அவாவுக்கு அமைதியாக  இதை அவாவுக்கு சொல்லியே ஆக வேண்டும் என்பது போல ..

                                " இல்லையம்மா,  இது  புளி கரைச்சு ஊத்தி உள்ளி மிளகு சீரகம் குத்திப் போடுற ரசம் இல்லை அம்மா,  இது ரிதம் கிட்டார்,ஒரு பாடலுக்கு பிண்ணனியில் ஒத்திசைவா தாள கதியில் இணைந்து கோர்ட்ஸ் பிடிச்சு இசைப்பது "

                           எண்டு முடிந்தவரை சுருக்கமா சொன்னேன், அதுக்கு அம்மா ,

                         " நீ  கிட்டார் அடிச்ச பாடல்கள் எங்கட  கந்தசஷ்டி கவசத்தைவிட அருமையா இருக்கே "

                            எண்டு, என்னைக் கொஞ்சநேரம் நம்பவே முடியாமல் பார்த்துக்கொண்டு நிண்டுபோட்டு

                             "  இந்த கேசட்டை சீர்காழியின் கேசட்டோட வையடா ,நான் பிறகும் கேட்க வேண்டும் " என்டுடு போயிட்டா . 

                               அதுக்கு பிறகு ஊருக்குள்ள வந்தவை, போனவை, கண்டவை , நல்லூர் திருவிழாக்கு எங்கடை வீட்டை வந்த சொந்தக்காரர் எல்லாருக்கும்

                                " என்னோட மகன் வேதக்காரருக்கு இசை அமைத்து (?)  கிற்றார் அடிச்சு  இருக்குறான் "

                                     எண்டு கொஞ்சநாள் அமளி துமளி!  நான் ஒருவருக்குமே வாயைத் திறந்து சொல்லவே இல்லை அடுத்த சில வருடங்களில் , குடாநாட்டு "சூரிய கதிர் " இடம்பெயர்வில் நாங்கள் ஒரே இரவில் போற இடம் தெரியாமல் இடம் பெயர , நாங்கள் அடையாளம் இல்லாமல்ப் போனது போல எப்படியோ அந்த  ஒலி நாடாக் கெசட்டும்  காணமல்ப் போயிட்டுது...

                                                     விசர் நாய்க்குத்  தண்ணிய ஊத்தின மாதிரி அடிபட்டு, இடிபட்டு , நாட்டுக்குள்ள இடம்பெயர்ந்து,  நாட்டை விட்டுப் புலம்பெயர்ந்து , தாறுமாறாய் வாழ்க்கை வந்த வழி, போன வழி முழுவதும் வலி தந்து 22 வருடங்கள் ஓட்டமாய் ஓடியபின் ஜோசிக்கிறன் " சிதைவின் ராகங்களுக்குள் " நான் இசைத்த கிட்டார் வாசிப்பு சிதையாமலே தொலைந்து போன அந்த "ஒலி நாடா "யாரிடமாவது இருக்குமா எண்டு  , யாரும் அதை எனக்கு தேடித் தந்தால், என்னோட சொத்துப் பத்தில் அரைவாசியை உங்க பெயரில எழுதி வைப்பேன், இது எல்லாம் வல்ல ஆண்டவர் மேல உறுதியா சொல்லுறன்!.

.

.