Enkeyum Eppothum Sankiitham ..M.S.V

ஒரு "சிம்பிள்" கதை! ஒரு இசைகுழு இந்தியாவில் இருந்து மலேசியா போய் இசைநிகழ்ச்சி செய்ய,அந்த இசை குழுவின் கிட்ராருக்குள் ஒரு பெண், ஒருவித நிர்பந்தத்தால போதைவஸ்து வைத்து கடத்த,அதே பெண்ணை அந்த குழுவின் முதன்மைப் பாடக்ர் மலேசியாவில காதலிக்க, அந்தப் பெண் கான்சர் இருப்பதை மறைத்து காதல் செய்ய,கமரா மலேசியா ,சிங்கபூரை 360 பாகையில் சுழண்டு படம் பிடிக்க, நாங்கள் எல்லாம் தியேட்ரில் "ஆ " எண்டு வாய்பிளந்து பார்க்க, வெள்ளி திரைகள் கிழிய கிழிய உலகம் எங்கும் ஓடியது "நினைத்தாலே இனிக்கும் "!

                                   இந்த படத்தில காமடிநடிகர் யாரும் இல்லை ,ஆனால் இதில நடித்த எல்லாருமே காமடி பண்ணுவார்கள். " Bodyய இந்தியா எடுத்திட்டு போறிங்களா ,இல்லை இங்கே மலேசியாவில அடக்கம் பண்ணபோறிங்களா " எண்டு பூர்னம் விஸ்வநாதன் சொல்லும்போது தியேட்டர் அத்திவாரமே அதிரும்!

                                      "இது ஒரு தேனிசை மழை"அப்படித்தான் அப்போது படத்திற்கு விளம்பரம் செய்யப்பட்டது. படத்தின் முடிவு கூடஜெயபிரதா சாகிறதை காட்டவில்லை K.பாலசந்தர் ,பதிலாக , "சிம்பலிக்கா " ,ஜெயபிரதா ரத்தவாந்தி எடுக்க, "இனிமை நிறைந்த உலகம் இருக்கு" பாடலைபாட படம் முடியும் ! அருமையான பாடல்கள் படம் முழுவதும். மெல்லிசை மன்னர் M.S.V ,கவியரசர் கண்ணதாசன் கூட்டணி பின்னிஎடுத்த படம் !

                                அந்தப் படத்தில் "ஆனந்த தாண்டவமோ ஆண்டவனார் ஆடுகிறார் காலங்களெல்லாம்" எல்.ஆர்.ஈஸ்வரி பாடிய சிங்கப்பூரின் வீதிகளில் போதைமருந்து செலுத்தப்பட்ட பெண்ணாக ஜெயப்பிரதா ஆடிப்,பாடிய பாடல் சூப்பர் "சர்-ரியலிசம் ".இந்தப் படத்தில் தமிழ்த்திரையுலகத்தின் பெரும் பெண்பாடகிகள் பி.சுசீலா, எல்.ஆர்.ஈஸ்வரி,வாணி ஜெயராம், எஸ்.ஜானகி, நால்வரும் ஜெயப்பிரதாவுக்கு இந்த ஒரு படத்திலேயே பாடியிருக்கிறார்கள். இப்படியொரு வாய்ப்பு வேறெந்தக் கதாநாயகிக்கும் வாய்த்திருக்கிறதா என்று தெரியவில்லை!....

                              கவலைகள் மறக்கு வைக்கும் உல்லாசப் பாடல்களின் கவிதைத்தொகுப்பு "நினைத்தாலே இனிக்கும் " அதை இப்ப நினைத்தாலும் இனிக்கிறது...,

Chennan Chiru Vayathil .Guitar Live Cover

ஒரு பாரம்பரிய பிராமணக் குடும்பத்தில் கணவனுக்கு மனைவிக்கும் இடையில் நடக்கும் புரிந்துணர்வை எடைபோட்டுப் பார்க்கும் ஜதார்த்தம் அது உருவாகும் பல குழப்பங்ககளை ஒரு சினிமாவாக எடுத்தார்கள். கணவன் வேலைசெய்யும் இடத்தில வேலைசெய்யும் ஒரு பெண்ணுடன் தன் கணவனுக்கு தொடர்பு இருக்கு என்று தெரிய வந்த போது வழமையாக எல்லாக் குடும்பங்களிலும் வெடிக்கும் சண்டையும் சந்தேகமும் தான் " மீண்டும் கோகிலா "என்ற படம்.

                                               உலகம் தெரியாத பதிவிரதையான மனைவி , உலாசமான பொழுதுபோக்கு உள்ள வக்கீல் வேலை செய்யும் கணவன்.இவர்கள் இருவருக்கும் நடுவில் ஆடம்பரமான ஒரு பெண் இப்படியான களமுள்ள ஒரு கதையை முதலில் புகழ்பெற்ற இயக்குனர் மகேந்திரன்தான் அரைவாசி வரை இயக்கினார். அவர் இயக்கத்தில் படம் சீரியஸ் ஆக வரவே, அந்தக் கதையின் படி அது ஒருவித காமடியாக வரவேண்டுமென்று அவரை தூக்கிப்போட்டு ரங்கராஜன் என்ற இயக்குனரைப் போட்டு புதிதாக இயக்கி இருக்கிறார்கள்.

                                                        அச்சொட்டாக ஸ்ரீதேவியே பாடுவது போல எஸ். பி. ஷைலையாவின் சின்னஞ்சிறு குரலில்,இடையில் வரும் ஹம்மிங்கில்,தயக்கத்தில் கோகிலாவுக்கு ஒரே ஒரு பாடலில் உயிர்கொடுத்த இசைஞானி இளையராஜா இசை அமைத்திருந்தார். இந்தப் பாடல் ஒலி வடிவில் கேட்பதை விட விசுவலாகப் படத்தில் முதல் முதலாக மாப்பிளையைக் கல்யானப் பெண் பார்க்கும் ஒரு பிராமண வீட்டில் எப்படி நிகழ்வுகள் இருக்கும் என்று ஒரு பாடலோடு படமாக்கியிருந்தார்கள்.

                                                               திருமணம் முடிக்கக் காத்திருக்கும் பெண்கள் கர்நாடக சங்கீதம் கொஞ்சமாவது படித்து அதைப் பாடவேண்டும் என்ற அந்தப் பழையகால சம்பிரதாயங்கள் இப்போது அருகிவிட்டது போல இருக்கு. கிளி போலப் பெண் இருந்தாலும் " பெண்ணுக்குப் பாடத் தெரியுமா " என்ற ஒரு டயலக் எப்பவுமே பெண்பார்க்கும் போது வந்து விழும். இப்ப உள்ள நிலைமையில் கல்யாணப் பெண்ணைப் பாடச்சொன்னால் ஐ போனில MP3 Download பாட்டைப் போட்டு அதுக்கு வாயசைப்பார்கள். வேற என்னதான் செய்யமுடியும் அவர்களால்.

                                                     இசை படித்த பெண்களின் எண்ணங்கள் எப்பொதுமே மென்மையாக இருக்கும். அது கணவனுடன் சேர்ந்து வாழும்போது குடும்பத்தில் ஒருவித அமைதியை ஏற்படுத்தும் என்று முன்னோர்கள் நம்பி இருக்கிறார்கள். மனதைச் சாந்தப்படுத்தும் இசை என்பதே இதயம் வரை இறங்கி இசைந்து போவது தானே.

                                                 இந்தப் பாடலின் பல வரிகள் சுப்பிரமணிய பாரதியார் அவரின் கனவுக் காதலி செல்லம்மாவை நினைத்து எழுதியவை. கவியரசர் கண்ணதாசன் அந்த வரிகளையும் தன்னோட வரிகளையும் இணைத்து இந்தப் பாடலை எழுதி இருந்தார். ஒரு பாடல் எப்படி அதன் கதையோடு ஒட்டி உறவாடிப் போகுமென்று வரைவிலக்கணம் போல இசைஞானி இளையராஜா இசை அமைத்திருந்த பாடலிது.

Kaathirunthu Kaathirunth

தமிழ் சினிமா கிராமங்களில் கால்ஊன்றி நிஜத்துக்கு வெகு அருகில் இருந்த எண்பதுக்கள் என் போன்ற இளையவர்களின் இளமைக்கால இசைவரம். அதை இன்னுமொருபடி மேலே காதலோடு கொண்டு போனவர் இசைஞானி இளையராஜா, அதை சொல்லிச் சொல்லியே நினைவுகளின் நதிக்கரையில் கால்களை நனைத்தவர்கள் எல்லாருமே கிறங்கிப்போன பாடல்கள் வந்த ஒரு படம் ‘வைதேகி காத்திருந்தாள்’. 

அந்தத் திரைப்படம் வெளிவந்த நாட்களில் காதல் தோல்விக்கு இன்னுமொரு விதமான அரிதாரம் பூசி வைத்தார் டைரக்டர் ஆர்.சுந்தரராஜன். மிச்ச வேலை முழுவதையும் இசைஞானி இளையராஜா பாடல்களில் சொல்லாமலே சொல்ல வைத்தார். அந்தத் திரைப்படம் வெளியாகி அதில் இசைந்த பாடல்களால் அது ஒரு மிகப்பெரிய ஹிட்டானது.

‘காத்திருந்து, காத்திருந்து காலங்கள் போகுதடி ’இந்தப் பாடல் இசைஞானி இளையராஜா போல்க் என்ற folk music கிராமிய இசைவடிவ டெம்போவில் மிக எளிமையாக ஒரு பாடல் இதயத்தை பூத்திருந்து புன்னகை செய்ய வைத்த அதிசயங்களில் ஒன்று. இந்தப் பாடலை பி.ஜெயச்சந்திரனை தொடக்கத்திலும், இடையிலும் ஹம்மிங் கொடுத்துப் பாடவைத்து நாட்டார் பாடல் வரிகளுக்கு ஒருவிதமான கிராமிய அடையாளத்தை இடையில் செருகி அந்தப் பாடலைப் படத்தில் பார்க்காமலே நிறைவாகக் கற்பனை செய்ய வைத்தார்.

அண்மைக்காலமாக சினிமாப் பாடல்கள் இன்ன இன்ன ராகங்களில் வந்திருக்கு என்று பலர் எழுதுகிறார்கள். நானும் கொஞ்சக்காலம் அப்படி பாடல்களைக் தெரிந்த சங்கீத இசை அறிவில் வைச்சுக் கிண்டி, அதை வெஸ்டேர்ன் கிட்டார் ஸ்கேல் உடன் ஒப்பிட்டுக் குழம்பி ,முடிந்தவரை சில பாடல்களின் சுர அமைப்புகளை ராகங்களோடு ஒப்பிட்டு, அது என்ன இராகம் எண்டு கொஞ்சம் சந்தேகத்தில் தான் எழுதி இருக்கிறேன். பலருக்கு கர்நாடிக், வெஸ்டர்ன், ஸ்கேல், கிட்டார் ,போன்றவற்றில் அதிகம் விசியம் தெரியாததால் நான் என்னமோ பெரிய அறிவுக்கு கொழுந்து என்று நினைத்து வாசித்தும் இருக்கிறார்கள்.

ஆனால் இப்பெல்லாம் பாடலின் இராகம் பற்றி சொல்லப் பயமா இருக்கு,அதுக்கு நிறையக் காரணம் இருக்கு ,ஆனால் ஸ்கேல் போன்ற வெஸ்டர்ன் விசியங்கள் சொல்ல முடியும். காத்திருத்தலின் சோகத்தை இசைஞானி இளையராஜா எவளவோ பாடல்களில் பதிவு செய்து இருக்கிறார். நான் நினைக்கிறன் அவரின் மிகச்சிறந்த காதல் ரசம் பிழியும் பாடல்கள் கர்ணரஞ்சினி, தர்பாரிகானடா இரண்டு ராகத்திலும் காலங்களைத் தாண்டி நிக்கவைத்தார். ஆனால் அந்த ரெண்டு ராகமும் மிகவும் கடினம்,ஜோசிக்கவே கடினம், ஆனால் இந்தப் பாடல் சிவரஞ்சனி ராகத்தின் சுர சாயலில் உள்ளது. உறுதியாகச் சொல்ல முடியவில்லை.

சிவரஞ்சனி ராகம் பெயரைப்போலவே அழகான, ஆனால் சுரங்கள் குறைவான குறை ராகம், முழுமையான ஏழு சுரங்களும் அதில ஆரோஹணம், அவரோஹணம் இரண்டிலும் இல்லை.அதனால் அதன் வீச்சு எப்பவுமே குறைவு .ஒரு நல்ல இசைஅமைப்பாளர் அந்த சின்னச் சுரஞானக்கோவைக்குள் இறங்கி significant orchestration இக்குத் தேவையான முத்துக்களை எடுத்துக் கோர்த்து ஒரு மாணிக்க மாலை செய்ய முடியும் என்று நிரூபித்து இருக்கிறார் இசைஞானி இளையராஜா, அவரைப் பொறுத்தவரை significant orchestration என்பதெல்லாம் சிம்பிள்.

வெஸ்டர்ன் harmonies and string arrangements இல் சொன்னால் ‘காத்திருந்து, காத்திருந்து ’ பாடல் ஒரு மைனர் ஸ்கேல் பாடல். சிம்பிளான Fm என்ற ஸ்கேல் இல இங்கே நான் வாசித்துள்ளேன், இந்தப் பாடலின் தொடக்க ஹம்மிங் வாற இடத்தில ஒரு கோட்ஸ் இடையில் வரும். அப்படி ஒரு கோர்ட்ஸ் தமிழ் சினிமா பாடலில் இன்றுதான் வருவதைக் கவனித்தேன்.

முக்கியமா இந்தக் கரோக்கி பிண்ணனியில் வாசித்த இந்த வீடியோ ஒரியினல் பாடல் போல முழுவதும் இல்லை. இப்படிக் குழப்பங்கள் நிறைய கரோக்கி பிண்ணணியில் பாடல் வாசிக்கும் போது ஏற்படும்.அதனால் தாழ்மையுடன் சொல்லுகிறேன், இதை ஒரிஜினல் பாடல் என்று நினைத்து யாரும் கிட்டாரில் வாசிக்கப் பழக வேண்டாம்.சும்மா என்னமோ கிட்டாருக்க இருந்து என்னமோ சத்தம் வருகுது என்று நினைத்துக் கேளுங்க .
.

Samsaaram Enpathu Veenai...Guitar Cover .Vijaya Baskar

.தமிழில் அதிகம் அறியப்படாத, தமிழ் நாடில் முதலியார் குடும்பத்தில் பிறந்த விஜயபாஸ்கர் என்ற கன்னட இசை அமைப்பாளர் இசைஅமைத்த , ",S .B B இக்கு புகழ் தேடித்தந்த ,கவியரசு கண்ணதாசனின் வரிகள் அசத்திய " சம்சாரம் என்பது வீணை சந்தோசம் என்பது இராகம் " பாடல் விஜயபாஸ்கர் இசை அமைத்தது .

கன்னட படங்களில் கொடிகட்டிப் பறந்த விஜய பாஸ்கர் தமிழை விட, கன்னடா, தெலுங்கு,மலையாளம் ,மராத்தி,கொங்கனி ,துளு மொழிப் பாடல்களுக்கும் இசைஅமைத்துள்ளார். புகழ்பெற்ற அடூர் கோபாலக்ருஷ்ணன் என்ற மலையாள இயக்குனரின் எல்லாப் படங்களுக்கும் இசை அமைத்துள்ளார் !

சிறுவயசிலேயே ஹிந்துஸ்தானி இசை வெஸ்டர்ன் பியானோ முறைப்படி பயின்ற விஜய பாஸ்கர் ,தெனிந்திய திரை உலகில் "Theme Music "என்பதை முதல் முதல் அறிமுகம் செய்தவர் என்கிறார்கள்! கன்னட மொழியின் சிறந்த கவிஞ்சர்கள் எழுதிய கவிதைகள் எல்லாத்துக்கும் இசை அமைத்து உள்ளாராம்! எழுபதுகளிலேயே லண்டனுக்குப் போய் Robert Clive என்ற இந்திய வரலாற்று ஆங்கிலப் படத்துக்கு BGM பின்னணி இசைஅமைத்துள்ளார்!

தென் இந்திய இசை அமைபாளர்களிலேயே மிகக் குறைவான இசை கருவிகளை ஒர்கேஸ்ராவில் வைத்து இசை அமைத்தவர் இவர் ஒருவர்தானாம் , அதாலதான் அவர் பாடல்கள் இனிமையாக அதே நேரம் எளிமையாக இருக்குது போல ! ஆறு முறை ஒரு மாநிலத்தின் சிறந்த " State Film Award for Best Music Director " பரிசு வென்றவர் ,

ஹிந்துஸ்தானி கஜல் பாடல்கள்,தெய்வீகப் பக்திப் பாடல்கள், நாடுப்புற FOLK பாடல்கள் இசை அமைத்த விஜய பாஸ்கர் ஒரு பேட்டியில் அடக்கமாக "folk music was the forerunner of all existing forms of music in the world" என்று இசையின் ஆதரமே நாடுப்புற இசையில் தொடங்குகின்றது எண்டு சொல்கின்றார் !

77 வயதில் 2002 இல் பெங்கலுரில் மார்அடைப்பால் திடீர் எண்டு இந்த உலகை விட்டுப் போனாலும் விஜய பாஸ்கர் இசை அமைத்த பல பாடல்கள் அவளவு இலகுவாக ரசிகர் மனங்களை விட்டுப்போக முடியாதவை!

Ore Naal Unai Naan Acoustic Guitar Cover

திருமணம் முடித்து சில நாட்களில் கணவனைப் பிரிந்துவிட்ட ஒரு இளம்பெண்ணின் தவிப்பு ஒரேயொரு நாள் தன் மிக நெருங்கிய நண்பியின் காதலனுடன் விரகதாபமாகி ஏதேச்சையாக நடந்த உடலுறவில் அந்தப் பெண்ணின் வாழ்க்கை எப்படி திசைமாறி சீரழிகிறது என்பதை ஒரு சினிமாப் படமாக இல்லாமல் வாழ்க்கைப் பாடமாகத் திரையில் பதிந்துவிட்ட திரைப்படம் இயக்குனர் ஸ்ரீதர் திரைக்கதை வசனம் எழுதி இயக்கிய " இளமை ஊஞ்சல் ஆடுகிறது ".

.

இசைஞானி இளையராஜா இசையமைத்த பஹடி என்ற மலைகளின் ராணி என்று சொல்லப்படும் ஹிந்துஸ்தானி ராகத்தின் சுரங்கள் அதிகமுள்ள பாடல். டாக்டர் எஸ் பி பாலசுப்பிரமணியமும்,வாணி ஜெயராம் அம்மாவும் பாடிய ஒரு டுயட் காதல் ரொமாண்டிக் பாடல்.

.

ஒரே நாள் உன்னை நான் நிலாவில் பார்த்தது உலாவும் உன் இளமைதான் ஊஞ்சலாடுது ஒரு அமர்களமான இளமைக் கவிஞ்சர் வாலியின் காதல் வரிகள் உள்ள பாடல், நெஞ்சத்தில் பேர் எழுதி கண்ணுக்குள் நான் படித்தேன் கற்பனைகளில் சுகம் சுகம் கண்டதென்னவோ நிதம் நிதம் மழை நீ, நிலம் நான் தயக்கமென்ன,,இதைவிட ஒரு கற்பனை யாருக்கு வரும்.

.

இந்தப் படத்தில் இரண்டு ஹீரோ, இரண்டு ஹீரோயின், கதை இந்த நாலுபேரையுன் தான் சுற்றி கொஞ்சமும் விலகாமல் நடக்கும். இந்தப் படத்தில் உள்ள ஒரு முக்கிய விசியம் ஒரு ஹீரோ எப்பவுமே புக்கு புக்கு என்று சிகரெட் ஊதித்தள்ள மற்ற ஹீரோ எப்பவுமே சுவிங்கம் சாப்பிடுவார்,டைரக்டர் ஸ்ரீதர் அவரும் ஒரு செயின் சுமோக்கர் என்று சொல்லுறார்கள்.

.

இந்தப் பாடல் ரேடியோவில் ஒலிபரப்புவது போலத் தொடங்கும், " இளமை ஊஞ்சல் ஆடுகிறது படத்தில் கவிஞ்சர் வாலி எழுதிய பாடலுக்கு இசை இளையராஜா இசை என்று அந்தப் படத்திலேயே புதுமையாக அப்படி சேர்த்து வைத்தார் இயக்குனர் ஸ்ரீதர் .அதைவிட இந்தப்படம் ஒரு திரைப்படம் எப்படி எடுக்கவேண்டும் என்று பாடம் சொல்லிக்கொடுக்கும் படம்.

.

முக்கியமா இந்தக் கரோக்கி பிண்ணனி ஒரியினல் பாடல் போல முழுவதும் இல்லை. அதுக்குக் காரணம் ஒரிஜினல் பாடல் G Major என்ற ஸ்கேல்ல இருக்கு. இந்தக் கரோக்கி F#m என்ற ஸ்கேல்ல இருக்கு. வேற வழியில்லாமல் நண்பர் பிரிஸ்டோ அய்யர் பின்னணி இசை வாசித்த F#m ஸ்கேல் இல் வாசித்துள்ளேன். இப்படிக் குழப்பங்கள் நிறைய கரோக்கி பிண்ணணியில் பாடல் வாசிக்கும் போது ஏற்படும்.

.

அதனால் தாழ்மையுடன் சொல்லுகிறேன், இதை முழுவதும் ஒரிஜினல் பாடல் என்று நினைத்து யாரும் கிட்டாரில் வாசிக்கப் பழக வேண்டாம். ஒரு 80 வீதம் ஒரியினல் பாடல் போல இருக்கும். இன்றைய ஞாயிறு விடுமுறையில் ஓய்வாக வீட்டிலிருந்து கொண்டு காலைக் கையை இளமைக் காலத்தில் ஊஞ்சல் போல ஆட்டிக்கொண்டு கேட்கக் கொடுத்துவைத்தவர்கள் கேளுங்க.

.

"La Isla Bonita" Acoustic Cover

ஞாயிறு துள்ளல் இசைவிருந்து . ஒரு ஸ்பானிஷ் ஸ்டைல் பாடலை என்னோட ஸ்டைலில் வாசித்துள்ளேன். "La Isla Bonita" என்ற பாடகி மடோனா எழுதி இசை அமைத்துப் பாடிய பாடல்,ஆங்கிலத்தில் " The Beautiful Island " என்று வரும் இந்தப் பாடலின் தாளம் " Spanish motifs arrangements of Cuban drums ",

அப்புறம் இடையில் வரும் கிட்டார் சத்தம்,அதை வாசிக்கும் முறையை "Spanish guitar " ஸ்டைல் என்பார்கள். சம்பா என்ற பிரேசில் நாட்டு நடன இசை போல " maracas, harmonica, synthesized drumming " போன்றவை பிண்ணனியில் வர காலாலே தாளம் போடவைக்கும் பாடல்.

மடோனா இன் குரல் எவளவு அழகாக " C♯ minor " என்ற கோட்ஸ் இல் இருந்து " F♯ minor "என்ற கோர்ட்ஸ் இக்கு மாறி மாறிப் பாயும் அழகு ஒரு டெக்னிகல் அமர்க்களம். " interlude " இல் வரும் " Spanish guitar " நளினம் அதுதான் இந்தவகைப் பாடல்களின் நாட்டியம் .. "La Isla Bonita" பாடலை " Hispanic styled pop " என்று சொல்கிறார்கள்.

இத்தாலியில் பிறந்து அமரிக்காவில் உலகப்பிரபலம் ஆகிய மடோனா இந்தப் பாடலை லத்தின் அமரிக்க நாடுகளுக்கும், அதில் வசிக்கும் மக்களுக்கும் அர்ப்பணித்துள்ளார் . இந்தப் பாடலில் வரும் " San Pedro " என்ற சின்னக் கடற்கரை நகரம், மத்திய லத்தின் அமரிக்காவில் உள்ள பிசிலி என்ற நாட்டில் இருக்கு ,,இந்தப் பாடல் வந்து பிரபலம் ஆனபின் அந்த நகரத்தையே " La Isla Bonita " என்றுதான் இப்போது அழைக்கிறார்கள்.

ஒரு பாடல் ஒரு நகரத்தின் பெயரையே மாற்றி இருக்கு அதுதான் இசையின் வலிமை.
.

Vasanthathil Orr Naal Acoustic Guitar Cover

ஞாயிறு விடுமுறை நாள் இசை விருந்து. இசைக்கருவியில் வாசிக்கக் கடினமானஇந்தப் பாடலை அகோஸ்டிக் கிட்டாரில் என்னோட ஸ்டைலில் வாசித்துள்ளேன்.சும்மா பொழுதுபோக்காக வாசித்துள்ளேன் , பிழைகள் இருந்தால் மன்னித் துக்கொள்ளுங்க. வசந்தகாலக் குயிலோசை பி. சுசிலா அம்மாவின் இளமைக்குரலில் " வசந்தத்தில் ஓர் நாள் மணவறை ஓரம் வைதேகி காத்திருந்தாள் " மறைந்தும் மறையாத மெல்லிசை மன்னர் எம் எஸ் விஸ்வநாதனின் மறக்க முடியாத மெட்டு. எப்போதுமே உத்தரவாதமாக ஏக்கமான உணர்ச்சியை அடிச்சுப் பிழிந்து தரும் தர்பாரி கானடா இராகத்தில் கர்நாடக ஸ்டைலில் வேகமான ஸ்வரக் கோவையில் வரும் பிருகாக்கள் அதிகம் உள்ள பாடலின் இரண்டு இண்டர்லூட் இடைஇசையிலும் கல்யான உணர்வு கொடுக்கும் நாதஸ்வரம் தவில் இசையுடன் வெஸ்டர்ன் ரிதம் டெம்போவும் கலந்து பொன் வண்ணமாலை வைத்திருக்கும் ஸ்ரீராமனுக்காகக் காத்திருக்கும் வைதேகியின் திருமணம் அந்தப் படத்தில் வரும் மூன்று தெய்வங்களும் வாழ்த்த உள்ளம் கொள்ளை கொள்ளும்பாடல்

Chura Liya Hai Tumne ..Guitar Cover

ஞாயிறு விடுமுறை தினத்தில் இனிய காலை வணக்க வந்தனங்களுடன் பொழுதுபோக்கு இசைவிருந்து " சுரேளியாகே ஹம் ஹம் தும்னே சிந்து கீத்தோ... " என்ற மனத்தைக் கொள்ளை கொள்ளும்,,வார்த்தைகள் நின்று கொல்லும் ஒரு அருமையான ரொமாண்டிக் காதல் பாடல். லைட் ரிதமிக் லேட் நைட் பப் டான்ஸ் முயூசிக் என்ற வகை மெட்டு, ரிதம் , தாளம் உள்ள ஹிந்தி மொழிப் பாடல். அச்சதாலான கிட்டார் விசியங்கள் அள்ளித் தெளிக்கப்பட்ட அற்புதம் .

இந்தப் பாடலை ஹிந்தி வெள்ளித்திரையை " மில்க்கிவே கலக்ஸ்சி " அளவுக்கு பிரகாசிக்க வைத்த ஜீனத் அமனும், அழகான ஹன்ட்சம் ஹீரோவும் பாடுவது போல படமாக்கி இருந்தார்கள். முக்கியமா ஒரு பெண்ணுக்கு கிட்டார் அடித்து பாடத்தெரியாது என்று சொல்ல அதை ஒரு சவாலாக எடுத்து ஜீனத் கிட்டார் அடித்துப் பாடுவது போல வரும் காட்சியில்.

இந்தப் பாடலை இசை அமைத்தவர் பெங்காலியை தாய் மொழியாகக் கொண்டு மேற்கு வங்காளத்தில் பிறந்து,,பம்பாய்க்கு இசை வாய்ப்பு தேடிவந்து பின் பிரபலமான ராகுல் தேவ் வர்மன் என்ற ஆர் டி பர்மன். ஒரு சோடி சேர்ந்து பாடும் டுயட் பாடலான இந்தப் பாடலைப் பாடிய பெண் குரல் இந்தியாவின் நைடிங்கேல் பறவை எனப்படும் ஆஷா போஸ்லே. ஆண் குரல் முகமத் ராபி,

ஹிந்தி இசை உலகைக் கலக்கிய ஆர் டி பர்மனும் , ஆஷா போஸ்லேயும் ரெக்கார்டிங் தியேட்டரில் பாடல் பதிவில் சந்தித்துக்.காதலித்து,கலியாணம் கட்டி இசை இணைத்து வைத்த இசை போலவே வாழ்ந்தார்கள். இப்ப பர்மன் இவ்வுலகில் இல்லை, இசை உலகில் இருக்கிறார், ஆர் டி பர்மன் இல்லாத போதும் அவர் நினைவாக குங்குமப் பொட்டு வைத்து வாழ்ந்து கொண்டிருப்பவர் ஆஷா போஸ்லே.

இந்தப் பாடல் வந்த " ஜாதோங்கி பாரத் " என்ற ஹிந்திப் படத்தை தான் தமிழில் " நாளை நமதே " என்று கதையை வேண்டி ,மக்கள் திலகம் எம் யி ராமச்சந்திரனை வைச்சு " ரீமேக் " செய்ததாக சொல்வார்கள். நாளை நமதே படத்திலயும் மெல்லிசை மன்னர் கிட்டார் சங்கதிகள் உள்ள பாடல்களை இசை அமைத்து அட்டகாசம் செய்து இருந்தார்.
.

Don't Cry For Me..Agerntina

அஜண்டீனவின் "ஆன்மிக பெண்மணி" Eva Perón அஜண்டீனவின் அதிபரராக இருந்த Juan Perón இன் இரண்டாவது மனைவி, அவருக்கு பல பெண்களுடன் தொடர்பு இருந்தாலும் ,அழகான,புகழ் பெற்ற நடன,பாடகியான எவாவை மணந்து "first lady " அந்தஸ்து கொடுத்து வைத்து இருந்தார் ,அவர் இறந்துபோக ஏவா அரசியலில் நுழைந்து, பல அதிரடியான மாற்றங்கள் பெண்கலின் சமுதாய வாழ்கை நிலைய உயர்த்தக் கொண்டுவந்தா ,அதால இன்றுவரை அஜண்டினியன் மக்களின் அபிமான தேவதை ஏவா.



                                                            அந்தப் பெண்மையின் அரசியல்,காதல், வாழ்வின் எழுச்சியயும்,வீழ்ச்சியயும் வைத்து " ஏவாவின்செல்லப் பெயரான "Evita" என்று உலககத்தை கலக்கி சக்கைபோடு போட்ட இசை நாடகத்தில இந்த " Don't Cry for Me Argentina " என்ற இந்தப்பாடல்" வந்தது,        



                                           ஸ்பானிஷ் மொழியில் ஒருவர் எழுதிய ஒரு கதையை துரும்பாகப் பிடித்துக்கொண்டு ,மிச்ச கதைய டெவெலப் பண்ணி,ஆங்கிலேயரான அன்று லோஎட்ஸ் வெப்சர் இசை அமைத்தார் .இந்த பாடல் பல அரசியல் குறியீடுகளை சொல்லாமல் சொல்வதால்,சில ஆண்டுகள் ஆயெண்டினா இராணுவ அரசாங்கம் தடை செய்தார்கள்.



                                 இன்றுவரை உலகம் முழுவது இருந்து இந்தப் பாடல் கொடுத்த உணர்வாள் ,பல்லாயிரக்கனக்கான டுரிச்டுகள் அஜென்டினா படை எடுகுரார்கள், Evita இன் கல்லறையப் பார்த்து வணக்கம் செய்ய..இந்தப் பாடல் பலர் பல தாள கதியில் பாடியிருக்க்ரர்கள் ,,நான் ஒரு" semi dance beat " ஸ்டைலில் கிடாரில் வசித்து இருக்குறேன்!



                                    பல இலங்கை தமிழர்கள் இசைஅமைகிறார்கள் , போனாப் போகுது எண்டாவது " EVITA " போல பாவப்பட்ட, 30 வருட யுத்தத்தில நொந்து, நூடில்ஸ்ஆகி நிமிரமுடியாம நிக்கும் இலங்கை தமிழரின் விடுதலையின் கண்ணீர்கதையை யாரவது ஆங்கிலத்தில் "MUSICAL இசை நாடகமாக" இசைஅமைத்தால் உலக அளவில் எங்களின் இழப்புகளின் கண்ணீர்கதைக்கு குறைந்தது ஒரு அர்த்தமாவது கிடைக்கும்! செய்வார்களா?

Ithayam Oru Kovil ...Mestro Ilayaraaja

இதுதான் இளையராஜா இசையின் தனித்தன்மை. மற்றவர்களின் பாடல்களை கேட்டால் உங்களுக்கு ட்யூன் மனதில் பதியும் அல்லது வரிகள் மனதில் பதியும், ராஜா இசையில் மட்டுமே முன்னிசை, இடையிசை, பின்னிசை, பின்னணி இசையென ஒவ்வொரு துணுக்கும் மனதில் பதிந்து விடும். அவர் பாடலை பாடத் துவங்கினால் உங்களை அறியாமல் இசை கோர்வைகளை முணுமுணுக்கத் துவங்கி விடுவீர்கள்.இது சமகாலத்தில் எந்த இசை கலைஞனும் சாதிக்காதது. அவர் பாடல்களை வெட்டி ஒட்டாமல் முழுமையாக உருவாக்குகிறார் என்பதே இதன் காரணம். 'ஓர்கானிக் மூசிக் ' என்பார்கள் இவ்வகை இயற்கையுடன் முழுமையாக இயைந்து இசைந்து இனைந்து உருவாக்கப்படும் கலைப் படைப்புகளை. சென்ற சில நூற்றாண்டுகளில் இசைக் கலைக்கென உருவான அப்படிப்பட்ட ஒரு முக்கிய ஜீனியஸ் களில் இளையராஜாவும் ஒருவர் ...

Aaagaaya Vennilave Tharai Meethu..Guitar Cover ,,Arangetravelai..

தர்பாரிகானடா இராகத்தில் இசைஞானி இளையராஜா இசை அமைத்து தேவார சந்தம் கொண்டு தினம் பாடும் தென்றல் டாக்டர் கே ஜே ஜேசுதாஸ், உமா ரமணன் பாடிய ஒரு அருமையான பாடல்,ஆகாய வெண்ணிலாவைத் தாலாட்டி தரை மீது இறக்கி அதுக்கு அழகான ஆடை சூடி அரங்கேறும் வேளையில்
மேஸ்ட்ரோ இளையராஜா அசத்தினார் ,

                                          மலர் சூடும் கூந்தலே மழைக் காலமேகமாய் கூட உறவாடும் விழிகளே இரு வெள்ளி மீன்களாய் ஆட வைத்த வரிகளை கவிஞர் வாலி எழுதி இருந்தார். கடல் போன்ற ஆசையில் மடல் வாழை மேனி தான் ஆட நடு ஜாம வேளையில் நெடு நேரம் நெஞ்சமே சூடஎன்று இரவுகளில் ஏங்க வைத்து இசை வீணை வாடுதோ இதமான கைகளில் மீட்ட ஸ்ருதியோடு சேருமோ சுகமான ராகமே காட்ட இது போல ஒரு பாடல் இனி எப்போது வரும் ?

                                                " அரங்கேற்ற வேளை " படத்தில வந்த இருவர் சேர்ந்து பாடும் ஒரு டுயட் போல உள்ள இந்தப் பாடலின் வரிகள் இடைவெளி இல்லாமல் தொடர்ச்சியாக வரும் . முக்கியமா சரணம் முடிந்து மீண்டும் பல்லவி வரும் போது எல்லாப் பாடல்களிலும் ஒரு சின்ன இடைவெளி வரும் இந்தப் பாடலில் அப்படி வராது. வரிகள் அலைபோல ஒன்றன் மேல் ஒன்றாக தொடர்ச்சியாக வரும்.

                                          ஒரியினலா இந்தப் பாடல் வேற ஒரு ஸ்கேல் இல வரும். இங்கே நான் உபயோகித்து உள்ள பிண்ணனி கரோக்கி வாசித்துள்ளவர்கள் அதை ஒரு முழு நோட் குறைத்து வாசித்துள்ளார்கள். அதனால் அவர்கள் வாசித்துள்ள ஸ்கேலில் நானும் வாசித்துள்ளேன். அந்தக் குழப்பம் இந்த வீடியோவில் உள்ள சுருதியையும் ஒரியினல் பாடலில் உள்ள சுருதியையும் கொஞ்சம் உன்னிப்பாகக் கேட்டால் தெரியும்.

                                         டெக்னிக்கலா சொன்னால் இந்தப் பாடல் இசைஅமைக்கப்பட்ட ஸ்கேல் இல் உள்ள பேஸ் நோட் இல இருந்து ஒக்டேவ் ஹை நோட் வரை அலாதியாகப் பாயும் . இந்த வீடியோ சும்மா என்னோட ஸ்டைலில் பொழுதுபோக வாசித்துள்ளேன். ஒரியினல் பாடல் போல சரியாக வாசிப்பு இல்லாவிட்டால் என் கிட்டார் அறியாமையைப் பொறுத்துக்கொள்ளுங்க .
.
.06.09.2015

Sinnap Puraa Ondru ,Guitar Cover ,,Mestro Ilayaraaja

இளையராஜாவின் அகாலமான பியானோ " Riff " இல் தொடங்கும் இந்தப் "சின்ன புறா ஒன்று "பாடல் "அன்பே சங்கீதா " படத்தில் ஒரு காமடி நடிகரான தேங்காய் ஸ்ரீநிவாசன் அவரோட பிரிந்து போன தங்கையை நினைத்து பாடுவது போல வந்ததாலோ என்னவோ அதிகம் கவனிக்கப்படவில்லை!



இந்தப் பாடலின் தொடக்க, இடையே வரும் "ஹம்மிங்கை " S .P .சைலயா பாட, அந்த "ஹம்மிங்" தான் இந்தப் பாடலின் பிரிவின் வதையைப் பிழிந்து பிழிந்து சொல்ல , இந்தப் பாடலில் இளையராஜா வயலின் ,பியானோ  எல்லாம் வைத்து இசை அமைத்து  அரிதாக Bass கிட்டார் ட்ரக் Fretless ஸ்டைலில் வரும்!



பாடலின் interlude இல் bass கிடார் நோட்ஸ் ,லீட் இணைப்பில் வரும் அண்ணன் தங்கை பிரிவைச் சொல்லும் இந்தப் பாடலை S .B பாலசுப்பிரமணியமும் அவரின் தங்கை S .P .சைலயாவும் பாடியுளார்கள் என்பது ஒரு அழகு! இந்தப் படத்திலேயே p .ஜெயச்சந்திரன் "பெத்தாலும் பெத்தேனடா ஒரு போக்கிரி பையனடா " என்ற பாடல் இருக்குது! ஜென்சியும் ,ஜெயச்சந்திரனும் பாடும் "கீதா சங்கீத " என்ற கர்நாடக சங்கீத அடிப்படைப் பாடலும் இருக்கு!



.நீட்டிமுழக்கி அறுக்காமல் சுருக்கமா சொல்வது என்றால் "சின்ன புறா ஒன்று " பாடல் எண்ணக்கனாவினில் வண்ணம் கெடாமல் இன்றும் என்றும் வாழ்கின்றது , அதை இசைஅமைத்த இளையராஜா ,நினவில் உலவும் நிழல் மேகம் , அவர் நூறாண்டுகள் வாழ்கவே நூறாண்டுகள் வாழ்கவே!

Neela Vaana Odaiyil...Guitar Cover

நட்போடு ஞாயிறு இசை விருந்து.... என்னோட ஸ்டைலில் நீலவான ஓடையில் நீந்துகின்ற வெண்ணிலா....." வாழ்வே மாயம் " என்ற தெலுங்கில் இருந்து ரீ மேக் செய்யப்பட்ட படத்தில் வரும் பாடல். ஒரிஜினல் தெலுங்கில் இந்தப் பாடலை தெலுங்கு மொழி இசைஅமைப்பாளர் சக்கரவர்த்தியும் அவரோட இசை அமைப்பில் கிட்டார் வாசித்த ஜோர்ச் என்பவரும் சேர்ந்து இசை அமைத்து இருந்தார்கள். அதை டாக்டர் கே ஜே ஜேசுதாஸ் பாடி இருந்தார். .தமிழில் அந்தப் படத்தை கொப்பி உரிமை வேண்டி " வாழ்வே மாயம் " என்று எடுத்த போது அதை எஸ் பி பாலசுப்பிரமணியம் மிக அழகாகப் பாடினார் . படத்துக்கு கங்கை அமரன் இசை அமைத்தது என்று போட்டார்கள். எப்படியோ அருமையான வரிகளை வாலி இந்தப் பாடலுக்கு எழுதியுள்ளார்.இந்தப் பாடல் ரொமாண்டிக் உணவுகளைக் உருவாக்கும் ஆபேரி இராகத்தின் சாயலில் அதிகம் இருக்கு ...

Annaik Kili Unnaith Theduthe ,,Guitar Cover

ஞாயிறு பொழுதுபோக்கு இசைவிருந்து...இசைஞானி இளையராஜாவின் முதல்ப் படத்தில வந்து நதியோரம் பிறந்து கொடி போல வளர்ந்து பட்டி தொட்டி எல்லாம் "வெயிலோடும் மழையோடும் மனம்போல் நடந்து "பட்டையக் கிளப்பிய ஒரு தலை முறையைக் கிறங்க வைத்த பாடல்.இந்தப் பாடல் வரிகளை அன்னக்கிளி படத்தைத் தாயரித்த பஞ்சு அருணாசலம் எழுதி இருந்தார். இசை எவளவு அருமையோ அவளவு அளவு பாடல் வரிகள், " நதி என்றால் அதுக்குக் கரை ஒன்று காவல் கொடி என்றால் அதைக் காக்க மரமே காவல் புள்ளிபோட்டு ரவிக்கைக் காரி புளியம்பூ சேலைக்காரி நெல்லறுக்கப் போகையில் இந்தக் கன்னிக்கு யார் காவல் " என்று ஒரு கிராமத்துப்பெண் பற்றி அழகா " கனவோடு சில நாள் நினைவோடு சிலநாள் உறவில்லைப் பிரிவில்லை தனிமை பலநாள் " என்று ஏங்கும் எல்லோரினதும் இதயத்தை தொட்டு " உறங்காத கண்களுக்கு ஒலை கொண்டு மை எழுதி " இருக்கிறார் பஞ்சு அருணாசலம்.

Thiruppukal in Guitar

முத்தைத்தரு பத்தித் திருநகை
அத்திக்கிறை சத்திச் சரவண
முத்திக்கொரு வித்துக் குருபர எனவோதும்
முக்கட்பர மற்குச் சுருதியின்
முற்பட்டது கற்பித் திருவரும்
முப்பத்துமு வர்க்கத் தமரரும் அடிபேணப்
பத்துத்தலை தத்தக் கணைதொடு
ஒற்றைக் கிரிமத்தைப் பொருதொரு
பட்டப்பகல் வட்டத் திகிரியில் இரவாகப்
பத்தற்கிர தத்தைக் கடவிய
பச்சைப்புயல் மெச்சத் தகுபொருள்
பட்சத்தொடு ரட்சித் தருள்வது மொருநாளே
தித்தித்தெய ஒத்தப் பரிபுர
நிர்த்தப்பதம் வைத்துப் பயிரவி
திக்கொட்கந டிக்கக் கழுகொடு கழுதாட
திக்குப்பரி அட்டப் பயிரவர்
தொக்குத்தொகு தொக்குத் தொகுதொகு
சித்ரப்பவு ரிக்குத் த்ரிகடக எனவோதக்
கொத்துப்பறை கொட்டக் களமிசை
குக்குக்குகு குக்குக் குகுகுகு
குத்திப்புதை புக்குப் பிடியென முதுகூகை
கொட்புற்றெழ நட்பற் றவுணரை
வெட்டிப்பலி யிட்டுக் குலகிரி
குத்துப்பட ஒத்துப் பொரவல பெருமாளே

Putham Puthuk Kaalai....Guitar Cover

ஞாயிறு பொழுதுபோக்கு இசைவிருந்து.... நடபைரவி இராகத்தில் வந்த ஒரு அருமையான இளையராஜா பாடல் " புத்தம் புதுக் காலை பொன்னிற வேளை...." நடபைரவியில் முழுவதும் இருந்தாலும் சங்கராபரணம் இராகம் மிகச்சிறிய அளவில் கலந்து இருக்கு.. " அலைகள் ஒய்வதில்லை..." படத்தில் எஸ்.ஜானகி பாடிய இந்த அருமையான பாடல் வரிகளைக் கங்கை அமரன் எழுதியிருந்தார்.

இந்தப் பாடல் உண்மையில் மருதாணி என்ற படத்துக்கு இசியாமைக்கப்பட்ட பாடல் என்றும் அந்தப் படம் பல காரணங்களால் வெளிவரவில்லை என்று அதைப் பின்னர் இளையராஜா குடும்ப நிறுவனமான பாவலர் கிரியேசன்ஸ் தயாரித்த அலைகள் ஓய்வதில்லை படத்தில் தொடக்க பாடலாகப் போட்டும்,அதுவும் படத்துக்கு நீண்டு விட்டதால் வெட்டிவிட்டார்கள்.

மருதாணி படத்துக்கு பூஜை போட்ட போது எந்தவித காட்சியும் இல்லாமல் கங்கை அமரன் இந்த பாடல் வரிகளை ஒரு காலைப்பொழுது எப்படி இருக்கும் என்று மனத்தால் நினைத்து வரிகள் எழுதிய பாடல் . ஆனால் அண்மையில் வந்த மேகா படத்தில இதை இசைஞானி புதிதாக இசை அமைத்து , ஹங்கேரி நாட்டு இசைக்கலைஞர்களைப் பயன்படுத்தி அதை மறுபடியும் பாடலாக்கி இருக்கிறார்..

எண்பத்தி ஒன்றில் இசைஅமைத்த இந்தப் பாடலுக்குள் தொடக்கம் முதல் விளையாடும் புல்லாங்குழல் வாசித்தது வர்ஜினிய நிக்கொலோய் என்ற நிங்கி.இசைஞானி இளையராஜாவோடு சில வருடம் இசைஅமைப்பில் வாசித்த நிங்கி நெதர்லாந்துநாட்டு வெள்ளை இனப் பெண்மணி (இப்பாடல் படத்தில் இடம்பெறவில்லை). நிங்கி பற்றி தனியாக ஒரு போஸ்டிங் பதிவு எழுதியுள்ளேன் . .இதில் பிழைகள் இருந்தால் சொல்லுங்க திருத்திக்கொள்ள அந்தக் கருத்துக்கள் மிகவும் உதவும் எனக்கு

June Poonaal .. Guitar Cover Instrumental

நட்போடு ஞாயிறு இசை விருந்து.,ஹாரிஸ் ஜெயராஜ் இசை அமைத்த, நேற்று என்பது கையில் இல்லை,,நாளை என்பது பையில் இல்லை, இன்று மட்டுமே உண்டு என்ற நம்பிக்கை வரிகளை வைத்து உருவான பாடல்.. என்னோட விருப்பமான ஸ்டைலில், லைட் அக்கொஸ்ட்டிக் கிட்டார் இன்ஸ்ட்ருமென்ட்டல் ஸ்டைலில் வாசித்துள்ளேன். சும்மா காலை ஆட்டிக்கொண்டு இன்றைய வார இறுதி விடுமுறை நாளில் கேளுங்க. ஒரிஜினல் பாடல் போல இல்லை , அல்லது பிழை இருக்கு என்று நினைத்தால் சொல்லுங்க. அந்த கருத்துக்கள் எனக்கு மிகவும் பிரயோசனமாக இருக்கும்